اقتباس:
المشاركة الأصلية كتبت بواسطة reeem22
قال تعالى: {وَإِن تَعُدُّواْ نِعْمَةَ اللَّهِ لاَ تُحْصُوهَا إِنَّ اللَّهَ لَغَفُورٌ رَّحِيمٌ}
الله يبارك في الزيادة والراتبين , واحمدو الله على النعمة ولاتجحدونها عشان ربي يزيدنا من فضله ويبارك لنا بوطنا وخيراته ولايسخط علينا
روحوا شوفوا الدول الثانيه ماعندهم ضمان ولا زكاة ولا شي الناس تموت بالشارع ماهي لاقيه سكن ولا اكل ولا شي
عندنا التعليم ببلاش والكتب ببلاش والفقير يعطونه ملابس وشنطة واحتياجاته حتى فطورة اليومي يعطونه ببلاش والعلاج ببلاش كل شي متوفر والحمدلله بزود قولوا الحمدلله
انظروا للنعمه لاتنظرون للنقص
وحتى النقص لو شفتوا غيركم تعرفون انكم بنعمة كبيرة
بخصوص الزيادة في الضمان المشتركين بالضمان عددهم كبير جدا ويصرف لهم مليارات فمابالكم لو زودوه , الدولة ماعليها قصور صحيح لكن فيه امور اولى واهم تحط فيها ميزانيتها تفيد الناس بوجه او بأخر
الضمان هو زكاة وبعض المشتركين بشبابهم وعافيتهم او عندهم مصدر دخل مايستحقون الزكاة ليش ياخذون الضمان ومايتوظفون ويعزون انفسهم؟
انك مطلقة او ارملة مايعني انك اهل للزكاة خصوصا وانتي قادرة تشتغلين وتحصلين دخل أكبر من دخل الزكاة
خصوصا والحين الوظايف كثيرة ربي يبارك برزق الواحد اللي من تعب يدة ومن جهده
اللي يستحقون الضمان فعلا هم الكبار في السن من 40 وأكبر والغير قادرين على العمل وكسب عيشهم وسكان القرى والهجر اللي تقل عندهم فرص كسب الرزق
اللي يبي يبدأ عمله او تجارته يقدم على الضمان يعطونه دعم مالي غير مسترد يعني مايرجعه
اشتغل بتجارة بسيطة واكسب رزقك بيدك وشوف البركة كيف بتصير فيه
نعمه هذه والحمد لله عليها انهم يعطونك تمويل تبدأ تجارتك وشغلك ولايطالبونك ترجع التمويل
قولوا الحمدلله والشكر لك يارب
سخط ربي عظيم ولااحنا بقده
لاتكونون جاحدين للنعمه ناكرين لها ولابيقلب احوالنا لأسوأ حال
وَاللّهُ فَضَّلَ بَعْضَكُمْ عَلَى بَعْضٍ فِي الْرِّزْقِ فَمَا الَّذِينَ فُضِّلُواْ بِرَآدِّي رِزْقِهِمْ عَلَى مَا مَلَكَتْ أَيْمَانُهُمْ فَهُمْ فِيهِ سَوَاء أَفَبِنِعْمَةِ اللّهِ يَجْحَدُونَ ﴿71﴾
|
وهذه البلدان اللي تضرب بها المثل ميزانيتها تريليون ريال وعندها اكبر مخزون نفط في العالم خلاص زمن الغباوه راح وولى .