الأخوان اللي أرسلوا لي على الخاص يبون يعرفون أيش الأسباب انا ودي أشرحها لهم على الرسايل الخاصة بس ما أقدر لأن عدد مشاركاتي قليل
لكن انا بذكر لكم بعض الأسباب واللي يعرفها الأخ الفاضل اللي طارح الوظايف فالح الأكلبي حسبي الله عليه
بعض منها وليس الحصر :
استأذنت منهم ثلاث أيام لأن كان عندي ظرف ويحق لي آخذها اضطراريه قالوا لا خلها استئذان افضل قلت تمام مو مشكلة
وكان دخلي بس من عندهم مع عدم المصداقية في الراتب والتأمين الطبي
ويوم رجعت اليوم الرابع إلا يقولون لي وش جابك قلت بداوم قالوا لا ياحبيبي
توكل على الله انت غياب ثلاث ايام متواصله وسوينا لك طي قيد 
!!!
من غير المعاملة اللي يخلونك فيها مستعبد عندهم ووعودهم كاذبه في الترسيم
لأن كل الزملاء اللي كانوا معي في نفس الشفت متواصل معاهم لحد الحين والله كلهم فصلوهم بدون أسباب
ولما تبي شيء من المشرف او السوبر فايزر ما تلقى أحد يلبي طلبك وأهم شيء عندهم أنك تكذب على العميل
والله على ما أقول شهيد يعلم الله أني ما أفتريت عليهم ولا بحرف واحد