السلام عليكم ورحمة الله وبركاته
مبروك لكم يا شباب،
الحمد لله زوجتي قدمت وجاها قبول نهائي وقالوا لها خلال شهر نتصل بك عشان توقيع العقد
طبعًا هم راح يخلونكم توقعون عقد سنتين
خلال أول ٣ شهور راح تدخلون برنامج تدريبي ( يومين عملي + ٣ أيام نظري)
وغالبًا أنكم راح تدرسون أنجليزي والعملي راح يكون أداري داخل المستشفى
إذا نجحت في البرنامج التدريبي خلال أول ٣ شهور ، راح يعطونك مهلة إلى نهاية تاريخ العقد إلي وقعته
عشان تجيب قبول تمريض من أي جامعة معترف فيها وتتوكل على الله وتسافر
يعني تقدر تسافر بعد الـ٣ شهور على طول، أو في أي وقت يناسبك بس الأهم أنك تجيب القبول و تسافر قبل نهاية عقدك معهم إلي راح يكون سنتين
طيب وإذا ما نجحت في البرنامج التدريبي خلال أول ٣ شهور ؟
راح يعيدون لك البرنامج مرة ثانية لمدة ٣ شهور أخرى، وهالمرة لازم تنجح وتجتازه
إذا ما اجتزته للمرة الثانية تقدر تنسحب أو يشوفون لك مكان عندهم وتشتغل إلى نهاية العقد المتفق عليه
وتعتبر البعثة ألغيت عنك .
يعني أنصحكم تشدون حيلكم وتحاولون تجيبيون قبولات من الآن لانها تاخذ وقت على ما تجيكم
طبعًا في مكافأة أو راتب خلال البرنامج التدريبي لكن للأسف ما عندي فكرة عنه
أتمنى أني أفدتكم
وبالتوفيق لكم