المشاركة الأصلية كتبت بواسطة مهندس نظم حاسب

١- القبول المبدئي يعني أنك مقبول لدى الجامعة وتقدر تدرس فيها، طبعًا هم راح يحطون لي تاريخ معين لبدأ الدراسة وشرط أجتياز اللغة قبل دخول الجامعة، وحتى لو جاء تاريخ بدء الدراسة وأنت ما سافرت ، أو انت لسى في مرحلة اللغة تقدر تطلب تأجيل. التأجيل حق بسيط من حقوق الطالب على الجامعة و الجامعات ما ترفض دامهم عطوك قبول من البداية.

٢- عزيزي، ايلتس ٤.٥ يعتبر عادي ، يعني مو شي كبير، وأغلب الجامعات تطلب ٦ ايلتس عشان تبدأ الدراسة عنهم، وتختلف درجة الايلتس المطلوبة باختلاف التخصص وصعوبة مفرداته .
أذكر أن بعض الجامعات الأسترالية تطلب من طلاب تخصص التمريض ٦ ايلتس ، وبعضهم يطلب ٦.٥ يعني يعتمد على نظام الجامعة وشروطها

٣- القبول تجيبه بنفسك، لكن اختبار الدولة ما عندي خلفية عنه.
بس لو تجيب قبول من امريكا، استراليا، أو كندا ما اتوقع يرفضون لانها هي الدول المعتمدة والأفضل في تخصصات التمريض والإبتعاث فيها مفتوح.
لكن بريطانيا مثلًا موقوفة بسبب تكدس الطلاب فيها


بالتوفيق لكم