السلام عليكم ورحمة الله وبركاته....

يا اخواني فيه قريه نائيه هجره سكانها حوالي 5000 الالاف فرد

واستغرب ان في بلدنا بلد الاسلام والعطاء يكون فيه هجره مثل اللي شفتها بدون مسجد

شئ يقطع القلب اللي قاهرني ان فاعلين الخير يبنون المساجد في المدن الرئيسيه ومابين المسجد والمسجد الثاني الا خطوات بسيطه ويتركون القرى اللي حول هالمدن اللي هم احق بالمساجد

وهذه القريه فيها سكان وقابله للأزدياد وفي بلد الاسلام ما فيها مسجد, شئ يقهر



ولقيت فقط في طرف هذه القريه مسجد صغير صغير جدا ومتهالك وقابل للانهيار

ويوم سألت سكانها ليش ما عندكم مسجد قالوا ما احد ساعدنا في بناء مسجد لأن اهل القريه واضح عليهم ناس محدودي الدخل

واللي يقطع قلبي اكثر انهم حاطين حصا كبير ومرتبينه على شكل مسجد وكابين علي رمل ناعم عشان ما يحسون بالحصى ويصلون فيه جماعه والله شئ يقهر يا اخوان
لو احنا في خارج السعوديه ممكن نتقبل الوضع لكن في بلد الإسلام والمسلمين...

المهم اني لقيت شخص من عندهم وقلت له بساعدك في بناء المسجد وقال خلاص وهو ثقه

والحين يضبط الكروكي حق المسجد

واي احد منكم يعرف فاعلين خير لبناء المساجد يرسل لي خاص
ولو يجي هو بنفسه ويشرف على المسجد يكون افضل واحسن

وارجوا من مشرفين المنتدى عدم حذف الموضوع انا ما طلبت مال او صدقه لأشخاص

انا طلبت اي احد يدلني فقط لفاعلين الخير

والله يسهل دربكم ويرزقكم الحلال الطيب يا اخواني والله لا يحرمني ولا يحرمكم الأجر

ولا تنسوني من دعواتكم كلنا فقراء الى الله ونحن ضعفاء بين يدي ملك الملوك

وأسأل الله ان ينفع بنا الإسلام والمسلمين