اقتباس:
المشاركة الأصلية كتبت بواسطة معمل خياطة
انا صراحه ما انصحك باي تجارة مباشرة مثل فتح محل والتزامات وايجار وراتب عماله وفيز ودوشه راس ورسوم بلديه ورسوم تامينات ورسوم بريد ورسوم غرفه تجاريه سنويا
انت وضعك خطر مقبل ع زواج وع مهر وع ايجار شقه واثاث وقصر وعزيمه يعني مسؤلية وراتبك مايساعد كثير
حاول قد ماتقدر ماتتهور وتتعرض لخساير الفترة الحاليه اودع بالبنك من هنا لسنه الجايه تكاليف الزواج من الى
ولا تلمسها ولاتقول اتاجر فيها واربح الضعف اي مشروع تجاري معروف مايوقف ع رجله الا اقل شي سنه كد وتعب عليه وانا اكلمك من باب خبرة
نصيحتي لك انك ممكن تجازف بشي يسير مثل خمس الالاف ريال فقط لاغير وتشتري بضاعه
وتوزعها بين المحلات بدون ربطت الحكومه والرسوم والرواتب وبدل نفقه وبدل سكن وحوسه ويبغى لها راس مال ضخم تستند عليه عشان مايواجههك اي عائق ويهدم لك كل اللي بنيته عشان ماوفرت السيوله للمشروع واكتفيت براس مال التشغيل فقط ..
حاول تكد على سيارتك او تدور لك عمل اضافي في ساعات فراغك والله يوفقك
|
انا بصراحه بديت أفكر افتح محل خياطه ههههه
جذبني النك نيم بتاعك ..
وفعلا الخياط النسائي او الرجالي يعتبر مشغل مصغر صح او لا ؟
وممكن تكاليفه أقل
اي اعرفه خياط نسائي مايحتاج لاديكور ولا شي علق الجلابيات والقمصان والتنانير والفساتين و البنجابي ههههه وخلصنا
يعني معقوله بس بيكون التكاليف ايجار المحل ؟ اذا كان ايه سهله
طيب انتي قلتي لي ممكن اجازف بـ 5 الاف وش اسوي فيها مثلا كـ افضل حل
بخصوص"" العمل الاضافي أفكر فيه لكن ربما يرهقني لان دوامي 9 ساعات وعلى فكره مدير شركتنا رجل أعمال وعدني بمساعدة زواج على كلامه طيبه الله يسعده
طبعاً ماراح اركن للمساعده ذي
لكن انا با امكاني خلال سنه ارفع راتبي من 4100 الى 5000 الصافي اقصد
لان راتبي الحين 4500 بس التأمينات تأكل 400 الان واستلم 4100 صافي
..
انا جتني عروض وظيفيه رائعه من ضمنها :
1- وظيفة سكرتير بالشرقيه براتب 6 الاف بس صعبه لان يبي لي سكن ومصاريف اكثر من وظيفتي الي بالرياض ..
2- جاني عرض من شركة انشور معروفه اتوقع تعرفينها قالوا لي الراتب بحدود 6 الاف ويعطوني دورات في الانجليزي ولازم اتكلم انجليزي و الوظيفه خدمة عملاء وانا بالانجليزي جيد ومتحسن كثير بفضل الله ثم الاحتكاك ثم مترجم قوقل ثم متابعة الافلام لفهم ترجمة مايقولون ..
عرض وظيفة شركة انشور لازال قائم يقولون تعال المقابله وانا اقول انتظروا اسبوع لين استلم راتبي وبجيكم احتمال اجيهم هالاسبوع قبل الراتب مقابله
..
بس متردد ما بين وظيفه استقريت فيها و لو الراتب 4000 مايشفع لي اعمل مشاريع ولا ينفع يجي مشروع مع زواج = ياهي صعبه قويه ومتردد وظيفه راتبها 6000 ومش عارف فيها استقرار او لا يعني غموض لكن ميزتها رغبتي بتعلم اللغه الانجليزيه يجي مجانا +راتب 6000= محتار