الديوان الملكي بيردون عليك خلال يوم يومين بالكثير وراح يتصلون عليك حتى
انا كتبت ابي مقابلة الملك ومباشرة ردو علي ، لاني صاحب حاجة
تراه الديوان الملكي مو سنترال وزارة او مكدونالدز
يعني لما تسجلين في الموقع وتحطين رقم جوالك ورقم بطاقة الاحوال
كل شي عنك يعرفونه هذا اعلى سلطة في البلد اعلى من الداخلية اعلى من الاستخبارات
فاذا لك حاجة وانتي مظلومة ومتاكدة ، فابشري بسعدك وراح تنحل
اما طلب وظيفة وغيره روح قدم مثلك مثل غيرك انا ما اتصلوا علي احالو معاملتي للخدمة المدنية مثلي مثل غيري
جربي موقع تواصل وباذن الله راح تنحل
وترى فيه اجهزة تحفظ الامن ثقي فيها ثقة تامة اذا لك حق ما راح يضيع ثقي 1000% وعن تجارب مو تجربة
بس فيه ناس نصابة مالها حق او ناس تتوهم ان لهم الحق ومالهم او ناس مغرضة تكره الدولة وتريد الفوضى هذولا بيعطونك فكرة سيئة عن اجهزة الدولة
الجرائم البسيطة اللي يكون فيها الضحية سبب في وقوع الجريمة مثل اللي يترك مفتاح السيارة وهي مشغلة وينزل البقالة وتنسرق
او اللي يروح اماكن مشبوهة وتصير له مشكلة ويجون يقولون راح الامن والامان
لكن انتي موظفة حكومية وداخل مؤسسة حكومية وتنظلمين او يتعدى عليك فلاوالله غير تاخذين حقك ان كان لك حق وبتشوفين بعينك
مع العلم اني عاطل واعزب وعمري تجاوز الثلاثين بس مرت علي تجارب وعرفت ان هالدولة منصورة بحفظ الحقوق خصوصا حقوق الضعفاء.
وسلام