اخواني تحية طيبة
اليوم الاثنين الموافق 23 فبراير
الساعه 11 ونص صباحا
انا رحت للوزراة وجبت لكم العلم من مشرف التوظيف الاخ بندر ومافكيته لين دخل على الجهاز ووراني وش الوضع لاني قلت له انا بتكلم عن مجموعة كبيرة من المرشحين والمعلومات الي بتعطيني اياها بتكون نازلة على موقع توظيف وكان الحوار كالتالي :
اخ بندر وش وضع المرشحين الان الي دخلوا المقابلة والمطابقه وماجتهم رسائل
رد علي وقال انه احنا بدأنا التوظيف والاختيار الاساسي والي ماوصلته رسالة فهوا في قوائم الانتظار
قلت طيب ابي اعرف وش وضعي انا بالذات
رد علي وقالي هات اسمك وفتح الجهاز وفتح ملف ولقيت اسمي في قائمة باللون الاصفر وقالي هذي لاي شخص عمل مطابقة يسجل اسمة في حال احد انسحب او استقال ولو في المستقبل راح ناخذ منها بدال مانعلن عن مسابقة وظيفية جديدة .
وانتهى الحوار
يعني بالمختصر يااخواني الي ماجته رسالة خلاص هو احتياط واذا احد رفض الوظيفة بيحطونه بداله ...طبعا هالكلام احتماليته ضعيفة جدا لانه في الزمن ذا نادر ماحد يرفض وظيفة حكومية
مبروك للي ترشحوا والي احتياط يشوف له مكان يبداء فية ولايعلق الامل كثير فيهم
هذا ماحبيت انقله لكم من قلب الحدث وشكرا