[align=center]بسم الله الرحمن الرحيم

اخوي انت جبتها عالجرح مثل مايقولون ... لأن انا لي فترة افكر في الشغله ذي ...

في البداية نبي نحسبها حسبه بسيطه : (( ولّموا الحاسبات والعدّة كامله ))

اول شي بنحسب الفلل :

اسعار الفلل من مليون وانت طالع ... لو قلنا الفيلا اللي اخترناها تكون دورين مفصولة وملحق علوي عبارة عن شقة مفصولة ، يعني الاجمالي (( 3 )) وحدات سكنية منفصلة .. وكان سعر الفيلا مثلا مليون وثلاثمية

يعني : مليون وثلاثمية الف + الفوائد حول 60 % = مليونين وثمانين الف

*طبعا الفوائد تفرق حسب الدفعة الاولى ومدة التقسيط وحسب البنك و و و ... الخ

طيب لو كان التقسيط لمدة 25 سنة ..
مليونين وثمانين الف / 25 سنة = 83 الف ريال

83 الف ريال / 12 شهر = 6933 ريال شهريا (( قيمة القسط ))

--- حلو ---

انا حسب ما شفت في احد احياء الرياض كان الاجارات لفيلا مساحتها متوسطه حول 400 متر كالتالي :
الدور الارضي = 35 الف
الدور الاول = 30 الف
الملحق = 18 الف

المجموووووع = 83 الف (*_*) <<<<< تذكرون هذا الرقم

يعني انت لو اجرت الفيلا كاملة بإذن الله بعد 25 سنة بتكون الفيلا باسمك وانت مادفعت ولا ريال واحد ..
طبعا هذا التفكير مبالغ فيه انت لازم تدفع صيانة وفي ايام بيكون الدور فاضي وبتدفع القسط من جيبك ..
هذا كله بغض النظر عن سوق العقار هل بيرتفع ولا هل بينهار او او او !!!!


طيب نجي للشقة :

طبعا الشقق انا ماكذ سالت ولا ادري باسعارها ولكن كمثال وافتراض ..

لو الشقة قسطها 1870 يعني في السنة = 22 الف ريال ...

لو هي كبيرة ومكانها ممتاز بتجيبلك هذا الاجار بالراحة


فأتوقع المشروع هذا ناجح بعد توفيق الله


طبعا بالنسبة للاجار واللي مايدفعون والكهرباء وكل ذا الكلام سلمه لمكتب عقار مقابل 500 ريال رسوم العقد ونسبة 2.5 بالمية تدفع عند كتابة العقد اول مره وهو بيتكفل بكل شي ..

بس ياليت احد يدلنا على اماكن عرض العقارات بالتقسيط ومواصفاتها وايش متطلباتهم
=[/align]