اقتباس:
المشاركة الأصلية كتبت بواسطة بنت القيصر
طيب فهمنا انت وش الحاصل ؛؛
ياناس مو خطأ إننا نفهم وضعنا
|
الرجل ماهو حرامي ولا هو نصاب وواله ماقابلته غير 3 مرات فقط وباقي تواصلي معه كان عن طريق الواتس آب لو كان فيه ذرة شك انه نصاب أو حرامي كان ماترددنا في اننا نشتكي عليه وللعلم عددنا في القروب الآن وصل إلى 44 شخص يعني لو 10 أشخاص فقط قدمو شكوى عليه راح يجيبونه وين ماكان بس لأن ال44 هذولا واثقين في الرجل وعارفين أمانته وصدقه جلسو ينتظرونه ويحاولون يساعدونه يتخطى هذي الأزمه اللي هو فيه ووالله ان فيه أشخاص مهددين بالسجن وفلوسهم مع هذا الرجل ومع ذلك يقولون انهم معه ماهم ضده لأنه يعرفون ان حقهم محفوظه وحق الناس اللي يطلبونه محفوظ بس مشكلتنا نبحث عن الربح السريع ونخااف من التأخير فيه أو الخساره والحمد لله بإذن الله مافيه خساره أبداا بس الموضوع يبي له تهدية نفس وصبر على الأقل شهر فقط وراح يرجع للكل حقه بإذن الله بس هذي تجاره يبي لها صبر مافي شي يجي بالسهل وبالراحه .. حنا نايمين ومرتاحين بس مهموميين بالدين .. بس هو يشتغل ليل نهار ومهمووم بفلوسه وبفلوس الناس اللي معه واللي يطلبونه .
آخيراا أقوول الصبر مفتاح الفرج ووالله وبإذن الله ان ترجع فلوسك وفلوسنا كلنا ومعها أرباحها بس شوية صبر لمدة شهر على الأقل .
ونصيحه لاتاخذي على كلام الناس اللي مايعرفون الرجال والمحبطين الفاشلين ولا يعرفون وش السالفه أساسا .
وحقك أصلا بيدك . .. شيكك معك وعقدك معك إذا ماناسبك الوضع وماقدرتي تصبريين عليه روحي أشتكي .وحقك مابيضيع والشي الأول والآخير بيدك أنتي .
للعلم للجميع انا مااعرف الرجال ألا ثلاث مرات فقط لكني جربته وماشفت منه إلا كل خير وهو رجل صادق بإذن الله عشان كذا أنا جالس أدافع عنه فقط .