معليش نكون واقعين
اي زوجين في بداية الزواج ماهم طبيعيين بالتصرف

يعني : الرجل باقي ماخذا كثير ع البنت
والبنت نفس الشي باقي ع ماتتعود عليه

والاثنين ماراح يفهمون بعض ع طول
يبي لهم فتره
بالاحرى "السنه الاولى من الزواج " هي سنة تعارف للزوجين

وبعد السنه كل واحد فيهم يطلع وجهه الحقيقي
وتبان الاختلافات والتوافق
وكل واحد يعرف ويفهم طبع الثاني

وخصوصاً البنت يبي لها وقت طويييل علشان تعرف
نوعية زوجها ومن اي صنف يصنف
وطبعه وتفكيره وووووو ... الخ

طبعاً الحياه لاتخلو من المراره والصعوبات
ولابد من المشاكل ولا بد من السعاده

والاثنين هم اللي يحددون مسار حياتهم
لاي اتجاه تروح
ومثل ماقالوا الاخوان اللي فوق
وجود الاحترام والمحبه والألفه والتقدير
والتنازل في امور علشان تمشي سفينة الحياه

لكن هذا مايمنع ان اي زوجين تكون حياتهم راحه وسعاده وفجأه
يتغير الحال وتكون حياتهم جحيم

باختصار تضمن نفسك ونفس الشخص اللي تعيش معه
لكن ماتضمن الناس ولاتضمن نواياها


وان شاءالله كل المتزوجين والمتزوجات حياتهم سعيده
واللي ما اعرس يعرس وتكون حياته جميله

ولو ان الموضوع يحتاج اسهاب
لكن عل ماكتبته يفيد

شكراً ع الطرح