صدقوا الاخوان ابعد عن التقنية و ان كانت جميع الابواب مقفلة في وجهك ادخلها وخلي طموحك البكالوريوس او الابتعاث لأن شهادة الدبلوم للاسف صار ما لها اي قيمة في الوظائف وحتى ان توظفت في قطاع خاص يكون راتبك بين الثلاثة و الاربعة طبعا عدا التدرج في سابك و ارامكو و عندي اقتراح لك غير التقنية عندك معهد الصناعات البلاستيكية في الرياض كل سنة تجيهم سابك توقع معاهم عقود توظيف اذا ما عندك نية تكمل بعد الدبلوم او عندك معهد الجبيل التقني ومدري اي معهد ثاني مختص في البترول تجيهم شركات بترولية مثل شلمبرجير وشيفرون و ارامكو تاخذ طلاب من المعهد وتوظفهم عندها حاول تشوف المعاهد المتعاقدة مع شركات يبغاها المجتمع ورواتبها عالية لا تسوي مثلي دخلت معهد سيارات كنت احسب يطلعني مهندس و طلعني ميكانيكي بعد سنة جاني مديري الفلسطيني يقول اذا ما شديت حيلك اطيرك من الشركة واجيب ألف واحد غيرك من الشارع الحمدلله على كل حال الله لا يعيدها من ايام