لا والله لاتسكت عن حقك ! ارفع شكوى واعتراض على المهزلة اللي بتصير في قياس ! ليه هو مزاد علني نسبة الاجتياز على كيف الوزراء يبهذلونا ! مره يخلوها 50 ومره 55 ! حشى سوق غنم ! وربي هزلت وبقوووة ! غصب شايفين العالم ساكته وعاجبهم الوضع خلونا نكون يد وحده ضد قياس الفاشل ونرفع شكوى تظلم في المواقع التواصل الاجتماعية لين ماتوصلهم ويشوفون لنا حل ! ! مو معقول اللي يصير ابددد ! يعني اللحين اللي جاء في بالهم يشوفوا كفاءة المعلم ومدى استحقاقه للوظيفة لاحول ولاقوة الا بالله عايشين بذل ومهزلة واحنا في بلدنا والاجنبي لف من خيراتنا ونعيمنا لين ماطلعت مع جنوبه هو وعياله ! |( الله يرزق الجميع من واسع فضله ) عشان لاحد ينبرش علي يقول احسد خلق الله \|!

في عهدنا كانت المعلمة تدرسنا انجليزي غلط وانا عارفه وساكته واحكي الوالد فـ يقولي عادي مشي اهم شىء انتي ففاهمه صح ! ولما وصلت العمللي ونزلت في مدارسنا المرموقه ذات الكفاءة والجودة العالية حضرت لمعلمه الانجليزي اللي يقال اني اتعلم منها وربي تنطق الكلمة خطأ والبنات وراها يرددوا وانا ساكته مااقدر اتكلم او اصحح ماغير اسلك لها ! اصلا مجتمعنا بكبره مجتمع تسليك في كافة علاقاته الاجتماعية ! مو بس القطاع التعليمي ! عاد يارب لك الحمد شفنا مدراسنا وشفنا المدرسين اللي يختاروهم الظاهر يذاكرون قبل لايشرحون المادة !

انت شاب ومن حقك تتوظف وتكون لك بيت واسرة مو من حق اي وزير يحرمك هالشىء ! لابارك الله في كل حاقد ومتخابث على المواطن ! انا عارفه ان كل شىء بارادة الله سبحانه والرضاء بالقضاء والقدر من اركان الايمان ! لكن ياخي الانسان يعمل بالاسباب وياخذ حقه مايسكت الرسول عليه الصلاة والسلام علمنا وهو خير معلم على وجه البصيرة علمنا ان المؤمن القوي خير وأحب إلى الله من المؤمن الضعيف.

قال النبي صلى الله عليه وسلم :
( الْمُؤْمِنُ الْقَوِيُّ خَيْرٌ وَأَحَبُّ إِلَى اللَّهِ مِنْ الْمُؤْمِنِ الضَّعِيفِ وَفِي كُلٍّ خَيْرٌ احْرِصْ عَلَى مَا يَنْفَعُكَ وَاسْتَعِنْ بِاللَّهِ وَلَا تَعْجَزْ وَإِنْ أَصَابَكَ شَيْءٌ فَلَا تَقُلْ لَوْ أَنِّي فَعَلْتُ كَانَ كَذَا وَكَذَا وَلَكِنْ قُلْ قَدَرُ اللَّهِ وَمَا شَاءَ فَعَلَ فَإِنَّ لَوْ تَفْتَحُ عَمَلَ الشَّيْطَانِ )

انا بنت توظفت ماتوظفت ماهمني تحصيل حاصل فقط واستزادة في العلم وتطوير مهارات اجتماعية لاغير ان جات الوظيفة الحمدالله ماجات برضو الحمدالله الحرمة ماتضيع ! وراها اهل ! لكن الشباب حرااااااااااااااااام عليهم يحرموهم من ابسط حقوقهم وربي شىء يقهررررررررر ويرفع الضغط الشباب هم امل ونهضة هذة الامة ومستقبلها ! ح يجي يووم يكون راعي بيت ومسؤؤول عن ارواح ! كفاية مهزلة كفاية عطالة كفاية والله تعبنا !