ادخلي دبلوم الكلية التقنية تخصص برمجة أو صيانة حاسب أفضل

المعاهد أحس إن دراستها قليلة 6 شهور او سنة بدون ذيك الفايدة وخسارة فلوس

الكلية التقنية للبنات تدرسين ببلاش (انتظام) تاخذين مكافأة

اذا فيك حيل جامعة أفضل

افضل تخصص أحس انه برمجة أو صيانة

الشبكات أنا ما خذها وما استفدت منها

ولو عندك فلوس زيادة وما تبغين تدرسين بالكلية أو الجامعة

وفيه خدمة المجتمع بالكلية تعطي دبلومات برسوم 12 ألف تقريبا سنتين
أو شوفي معهد راقي خذي دبلوم سنتين الظاهر انه 20 ألف أو 18 هذا قبل كذا سنة ممكن الحين صارت أرخص

البرمجة اذا تعمقتي فيها أكثر (راح تلبسين نظارات+تقدرين تعملين برامج وتبيعينها اذا تطورتي فيها) وتنزلين البرامج على الكمبيوتر مثل أجهزة الجامعة مثلا وغيرها
وسوقها في الوظائف ماشي أكثر على حد علمي

الصيانة تقدرين تصلحين مشاكل الحاسب بس أقل درجة من البرمجة

الشبكات بعدي عنها كلام فاضي وللأمانة فيه ناس تخصصها شبكات وماسكين مناصب عليا في الوظائف بس يمكن ناظرت لنفسي وتخصصي قلت هذا الحكي

والحاسب هواية يعتمد على الشخص 80% ينمي من مهاراته و20% كليات او جامعات ...

شوفي مثلا صاحب موقع الفيس بوك كان يعمل في البريد ولا درس حاسب في الجامعات ولا معاهد وصمم الموقع

بس فيه شيء مهم أكثر اللي برعوا في البرمجة أذكياء في الرياضيات لأن الرياضيات لها علاقة قوية بالبرمجة او ذكاء متوسط يعني ما يقولوا عقدتنا الرياضيات مثل حال بعضنا + لغة انجليزية لمعرفة اشياء اساسية بالبرمجة