السلام عليكم ورحمة الله وبركاته
انا جايه افضفض وبنفس الوقت ابي من خلال خبرتكم تنصحوني
انا قدر الله علي وانقبلت فيزياء لما انقبلت كان شعوري عادي لاني بالاساس ما حطيت فبالي تخصص انقبلت فيزياء يلا ندرس فيزياء وش وراي ' مشيت فيه الحمد لله مع انه صعب بس كنت ادرس واذاكر للنجاح فقط ما كنت اهتم بمعدل او تقدير وكنت ادوام كروتين يعني دراسه وصحبات وكذا وتخرجت بس بتقدير جيد اللحظه الي استلمت فيها وثيقتي حسيت بالخيبه للامانه وش بسوي فيها خصوصا ان تخصصي مو تربوي يعني يبي لي ادرس دبلوم تربوي عشان اقدر اقدم ع جداره
وهنا بدت الحيره هل الان ادرس تربوي وادفع 10000 واطارد خلف جداره
والا ادرس دبلوم حاسب سنتين
والا دبلوم اداري
احس معدلي منخفض مالي فرص بوظايف جداره ف ما حبيت اني ادرس دبلوم تربوي
اما الدبلوم الحاسب له فرص وظيفيه كثير وحتى الاداري وأنا لو بدرس بجيب فيهم امتياز مع الشرف ان شاء الله ( لايلدغ المسلم من جحره مرتين )
وش تنصحوني مرررره محتاره خصوصا اني اللحين بدفع من جيبي هذا الي مأزمني ما ابي اخسر مال ووقت