المشاركة الأصلية كتبت بواسطة بالتوفيق للكل

اليوم رحت القطاع الغربي وخذ من الفوضه من البداية رقعونا بالشمس لين خسنا بس الحمد لله الجو شوي يساعد المهم جانا النقيب وجلسنا صفوف وصار يشوف الي شعورهم طويله حتى الي مقصر شعره وطالعله غره يخليه يروح بحره ويحلق على الواحد المهم خلصنا بعد نص ساعه من الاسماء دخلنا على المدرجات وصارو يقيسون الوزن والطول المهم قصرت 1سم مدري كيف اصلا القياس مشي حالك المهم تخلص تروح تدقق الورق وكل شي سريع سريع وبعدها تروح اللياقه ثلاث مرات تسوي تمرين ضغط وتسوي لفه بسيطه بالميدان وبعدها تروح صالة التجنيد وتجلس وينادون على اسمك وتروح المقابلة تعرف بنفسك وسالك النقيب او العميد الي تدخل عنده سؤال بسيط يعني ماحكم تارك الصلاة واذا تبغى تذكر الدليل يكون افضل المهم هنا تبدا الفوضى تخرج وطبعا تجلس بارض صالة التجنيد وانتظر الاخوان لين يخلصون اوراقك والله انهم تعبو وما قصرو بس الي خرج الاول من المقابله خلصوه متاخر باوراق الاحوال والبصمات والمهم بكل ذي السالفه ماتعرف ايش رتبتك تسال كل واحد يفتي من راسه رتبة المهم انا سالت النقيب قلي الجامعي رقيب قلتله اكيد قال ان شاء الله المهم قلت اتاكد زياده سالت واحد سال العميد قال الجامعي رقيب المهم الصدمه هنا لما قريت الفئة قالو فني قلت افا قالو تبغى القطاع الغربي مالك غير فئة الفنيين
فحاب اسال هنا الي له خبره ايش يعينوه الي يتخرج من معهدهم فني وماهي طبيعة العمل وكيف الشغل والرواتب
والي حاب يسالني عن اي شي اعرفه ان شاء الله اجاوبه