لي ضيقةٍ ماقدرت اعرف مكامنهـا
تجتال بالصدر من مـدّه ولاراحـت
منها حناياي كنّ طويـق حاضنهـا
ازيحها بالسكوت المرّ مـا انزاحـت
ماراهنتني على صبـري واراهنهـا
فجأه حدتني على دمعة غلا فاحـت
الدمعه اللي كشفت البارحـه عنهـا
خذتك في دربها.. والمشكله طاحـت
ياليتهـا ماخذتـك ولاعلـيْ منهـا
كم كحلة ٍ لي على مرّ القلق ساحـت
عليّ ذنب الحياه اللي لـك أثمنهـا
واصراري ان الثقه فالودّ ماباحـت
وعليك ذنبين كيف أعذرك وادفنهـا
عمر المحبه قصير وروح ما ارتاحت
فجريتك بالفـراق المتعـب إعلنهـا
وامنح صداها شعور الورق لاناحت
في كل صبح ٍ جديد إحزن وحزّنهـا
وان لامتِك قلّ لها دمعة غلا طاحـت