خايف يروح العُمْر .. وأكُونْ خاسر
وإن طار طيري .. يخلف إللي وعدنِي

وخايف يجيني وقت : أكْسِر خواطر
إن دارت الدنيا .. وزماني .. كِسَرنِي

ومدام هذي الدنيا .. صارت مظاهر
وكِلْ مَنْ على كيفه ، وجوّه ، نصحنِي

[ صحيح مُسلم لكن : الهَم كافر
والوقت قصّر ، والبَخَت ماخِدَمنِي ]

الضيق : وافي . والحزن : حيل وافر
والجرح : أكثر شي شفته ، يحبنِي !

عايش وميِّت بين .. ماضي وحاضر
والصبر [ مفتاح الفرج ] ماشملنِي

قل وش تبي وتتركني ياحزني : آمر ؟
مسكين فرحي ، تصدِّق إنَّه : وحشنِي !!