.
.
السلام عليكم اخباركم ياحلوين , طبعاً زي مانتو شايفين ف العنوان ,
وش رايكم ف معهد القوات البحريه ؟
بتكلم من نـاحيتين . .
الأولى عن المعهد : وبتكلم عن اهم شي الدراسه الدراسه . كيف وضعها ؟ فيها رسوب ؟ وبالأخص المواد الأنجليزيه , كم ماده ف الأنجليزي وهل الأنجليزي مكثف ؟ ولا زي الأختبار اللي اختبرناه قبل يومين 
لأن صراحه الأختبار اللي اختبرته مويه جداً اللي هو ف معهد البحريه على طريق الخرح . .
" سبيلنق , والرايتنق " كان جداً سهل , والحمد لله نجحت فيه وعطوني ورقه الكشف الطبي وورقه للأخوال وورقة للشرطه , والحمد لله خلصت من الأحوال وباقي ورقة الشرطه , والكشف بكرا بأذن الله
ومضه : نظام البحريه جداً متعب مدري هي لعانه ولا كيف , رحت الأحد الفجر للرياض ووصلت لشقة خويي وساعه 6 مسكت الخط ورحت للقياده والحمد لله تساهلو معي رغم اني ناسي البطاقه الأصل و موعدي كان يوم الربوع . . والحمد لله مشوني 
المهم نرجع لنظامهم صراحه مايمدي الواحد يتنفّس 
الأحد رحت للمقابله , الأثنين الأختبار ف المعهد وعلى طول ترجع للقيااده كان الوضع جداً مرهق لي , زحمة الرياض والقرروشه والضياع والحمد لله عديتها ع خير , ورجعت للقياده البحريه .. والحمد لله عطوني الأوراق , بس مالها داعي ارجع , للقصيم , عشان اختم اوراق الأحوال بعدين ارجع ع طول للرياض عشان ختم مدير الشرطه والكشف الطبي ماعطونا الا 48 ساعه راحه فقط , والله يعين 
ادري طولت عليكم , الوكككككاد . .
نرجع للدراسه كيف وضعها , متشددين ؟ وهل نظامهم نفس معهد الطيران ؟ لأن اذكر خويي راح هناك يدرس طبعاً نظام تحجير م يطلع الا خميس جمعه , وكان نظام أختباراتهم ترسب ب 3 كتب يعطونك شلوتي".. هل النظام موجود ف البحريه ؟ وياليت بالتفصيل الممل تشرحون لنا عن المعهد ..
الباقي مايهمني ,
الثانيه : بالنسيه بعد التخرج . الرتبه وكيل رقيب "ظابط صف" بالتفصيل الممل , طبيعة العمل سواء ف الرياض ولا بالشرقيه, اذكر الدوام اللي تداوم فيه ع البحر يكون ع الأسطول البحري ؟ طيب وش طبيعة العمل وهل فيه استلامات ؟ وتلحقني خفاره ؟ . .
ان شااء الله اني مانسيت شي وعذروني ع البثاره بس ذا مستقبل ولازم ندري عن كل شي قبل الدوره . . الله يسهل يارب ,
ولله لايهينكم اللي يعرف اقرب مركز شرطه ف الرياض , وانا جاي من طريق القصيم للرياض ,
ولله لايهينكم اللي يعرف وين حي المروج اللي برياض يقولي لأن الكشف هناك , وعلى اي مخرج هو ؟