المشاركة الأصلية كتبت بواسطة متحني بدم

والله هم يقولوآ البريد إللي يتأخر ..

طفشونا بالبريد المفروض يكون التعامل مع البريد الممتاز ..

البريد يقعد قرابة 5 إلى 7 إلى 10 أيام عشان يترسل من منطقة لمنطقة ..

أما البريد الممتاز في خلال يومين ثلاثة ..

أنا من مكة و أرسلوآ خطابي للرياض و أعطوني رقم المعاملة ..

و كلمتهم بعد خمسة أيام برقم معاملتي و قالوآ لسه ما وصلنا ..

و رحت لمديريتي في مدينة جدة و قلتلهم بالتأخير ,,

و وافقوآ يسووآ لي مقابلة و أخذوآ ملفي ..

و قالولي يومين و يجيك الرد منا أو من الخدمة عشان تكمل إجراءاتك ..

خايف إنهم يرسلوآ النتيجة بالبريد للرياض ما يكلموهم و ينتهوآ ..

و بعدها نستنى للرياض يرجعوآ الخطاب و عليه علامة الصح خمسة أيام ..

ههههه أبو حوستهم أقسم بالله كرهت عمري من التخيل ..

لو إنهم خلونا نسوي الكشف كان أبرك لنا و لهم ..

على الأقل نستغل الوقت ماهو نزيد همنا ..

الله يعين من الأنظمة ..

أنا جهتي قالت إن المقابلة أول سنة لها ..

و أنا أول واحد يسووآ مقابلة له ..

وحوستهم زي حوستنا مو عارفين النظام كيف ..

الله يستر و يجينا الرد من الخدمة خلال يومين ..

لأن الوضع طال بسبب البريد و الصادر و الوارد ..

المفروض يكون في إشعارات فورية بالنتائج بالهاتف أو الكومبيوتر ..

و بعدها ينتظروآ الخطابات إن شاء الله شهور ..

لأنهم بكذا معطليننا تعطيل ..

إختبارات خلال نص سنة و مفاضلة مدتها شهرين لين طلعت النتائج ..

و شهر إجراءات و المباشرة مدري كيف وضعها ..

كملنا سنة على شيء بسيط ..

يلا الحمد لله على كل شيء ..