أخ داحم إنت ماشي صح ✔️ قاعد تحسب حساب كل خطوة ..
إبدأ بالتدريج وركز على الشيء المتوفر عندك .. ومع الوقت إبدأ في التوسع بعد ما تفهم كل صغيرة وكبيرة بشغلك ..

مصادر المال هي يا وظيفة يا تجارة ..
الوظيفة متعبة والتجارة متعبة .. بس بالتجارة تحس بقيمة تعبك ..

بالنسبة لتساؤلاتك ..
ما فيه بالتجارة شيء ناجح ومضمون ولا العكس ..
هي فرص .. فكر وابتكر .. ادرس وابحث عن احتياج لخدمة أو منتج في أي مكان .. ووفره بأرخص التكاليف ثم اعرضه على من يحتاجه عن طريق التسويق .. فالبضاعة لا تبيع نفسها ..

الرسول عليه الصلاة والسلام يقول عن عبدالرحمن بن عوف رضي الله عنه وهو تاجر عصامي : أنه لو باع التراب لربح فيه ..
الكثير يملك المال ولكن لا يملك الرغبة الحقيقية في دخول مجال التجارة ..
إنت عندك حلم .. وعندك رغبة صادقة وقوية وحماس وإصرار لتحقيقه ..
وهذا يكفي وزيادة .. وراح تعرف طريقك بنفسك بتوفيق الله .. ووقتها حتى لو فكرت تبيع تراب يمكن تربح فيه!

أكرر إنت ماشي صح .. والله لا يضيع أجر من أحسن عملا .. إن شاء عقبال ما تعدل المهنة من طالب لرجل أعمال .. بالتوفيق ..

( على فكرة: أنا عندي نفس طموحك وبعد رمضان إن شاء الله بأبدأ بزنز بسيط بجانب الوظيفة حتى لو خسرت .. المهم أحقق طموحي )