العفو أستاذي ..

بس ليش عشر سنوات !!..
تدري هي ماهي دراسة طب!

إذا توكلت على الله وفتحت باب التجارة وعرفت الطريق .. بعد كذا كل الأمور راح تكون ميسرة وتكرار للنجاح ..

الرزق ليس مطلوب له شخص خبير للحصول عليه .. بل المطلوب شخص يسعى وراءه ..
عليك البحث عن الطريق .. ومن الله التوفيق ..

والدليل على كلامي إن الدودة يرزقها الله وهي ما عندها مخ!!

المهم تتوكل على الله حق توكله ..
وتؤمن تماماً إنك تاجر من الحين ..
وتتخيل نفسك جالس في مكتب مجلس إدارة شركتك تدير أمور الشركة وتعقد الصفقات وتنمي وتوسع نشاطك .. وخيرك يوصل للي حولك من قرايبك ..
بعدها عقلك راح يقتنع بإيمانك .. وتتفتح لك أبواب كانت مغلقة ولم تخطر على بالك ..

عندي إحساس إنك تحب التميز بتجارتك وهذا أهم الأمور ..
أهم من المال وأهم من المعرفة النظرية الأكاديمية .. وهذا شي نادر وقليل لأن الأغلب يبحث عن التقليد ..

لاحظ أن أغلب البنقالديشز اللي نعتبرهم مساكين .. هم تجار ويشتغلون بمحلاتهم ..

إذا بتجيب طاري كلمة أكاديمية لواحد فيهم .. بيقولك خلي ولي أكاديميا ..
والسبب لإنه عندهم دافع للعمل الجدي وبحزم وإصرار ..
وهذا الدافع هو بيئة الفقر التي أتوا منها ..

ولمن يصير الواحد يكسب فلوس ويحس بقيمة تعبه .. تلقاه يشتغل ويوقف على رجوله من الصباح لآخر الليل .. بل إذا جلس على كرسي يحس بتعب !!

على فكرة .. تاجر كبير مو يعني تملك ملايين وتجمعها بعشر سنين ..
التاجر الكبير .. كبير بعقله وفكره .. والمال يأتي نتيجة لذلك ..

وإنت ما شاء الله مثقف وواسع الإطلاع .. ويظهر هذا من ردردك المتزنة ..

بغض النظر عن عمرك 17 سنة أشوفك تستحق أن تكون رئيس مجلس إدارة ..

وعلى طاري ..
"رئيس مجلس الإدارة"
إطبعها بورق نحاسي وحطها بجنب كمبيوترك .. واحتفظ فيها إلين ييسرها الله لك وتحطها بمكتب شركتك ..

وهذا ليس تصرف صبياني .. بل عين العقل لأنها تمثل طموحك ..
وطموحك من خصوصياتك ولا لأحد علاقة به .. فلكل شخص طموحه ..

دمت بود أخوي داحم ..