السلام عليكم
كيف حال الاخوان والاخوات جميعا يسعدني التواصل معكم وعذرا ع الانقطاع
بشروا كيف كانت المقابلات والاختبارات اللي عنده اختبار ؟ اتمنى للجميع التوفيق
لاتزعلوا ولا تتضجروا هذا حال التقديم يأخذ اجراءات طويلة . والله انا في الجامعة واذا رحت اعرف بنفسي اني معيد في كلية كذا واني اقعد من مكتب في مكتب وكل قسم يرسلك على الثاني وبالقوة تلقى المكان اللي تبي منه حاجتك احيانا ...مابال اللي بعيد مثلكم ومشغول والا زي اخواتنا مالهم يد ولاحيلة .
في بعض الاخوان ارسل يستفسر مني عن الراتب ؟
اللي دراستة 5 سنوات مثلا الهندسة وعلوم الحاسب
يعين ع الدرجة الثانية براتب اساسي 7065
التخصصات الاخرى على الدرجه الاولى براتب 6650
البدلات الثابتة:
بدل جامعة ناشئة20% من راتب الدرجة الاولى
بدل تعليم جامعي 25% من الدرجة الاولى(راتب الدرجه الاولى 6650)
بدل ندرة تخصص للتخصصات النادرة 20%(التخصص اللي نسبة السعوديين فيه اقل من 50%)
بدل حاسب لهندسة الحاسب وعلوم الحاسب وقسم الحاسب 25% للتخصصات الاخرى 20% ويهددون بالغاءة
بدل نقل 700 ريال
بدل سكن 15 الف ريال الى الان ماصرف واحتمال يعطى المعيد سنتين فقط اذا كان متواجد اما اذا كان مبتعث لايصرف(ميزة جامعة الملك خالد)

بالنسبة للاختيار سيكون وفق الاختبار والمقابلات والمعدل ودرجة القدرات للرجال فقط اظن
اما اخواتنا البنات اتوقع الاختبار والمقابلة والمعدل , لااعلم عن القدرات .

الان بعد المقابلات وكل شي سيرفع بالاسماء( الاساسي+الاحتياط) الى الادارة لتراسل الوزارة وتطلب ارقام لهم تقريبا تأخذ من 4 الى 5 شهور وانا سوف اعطيكم تحويلة لشئوون الموظفين لاعضاء هيئة التدريس ولااحد يرسل احد يسأل او شي او يتعب نفسه ويجي
فيه الاستاذ مشبب القحطاني والاستاذ عادل عسيري قمة في الاخلاق والتعامل والاجابة عن كل شي ويردون عليك في كل وقت ماعدا وقت الصلاة اذا جات واعتمدت الاسماء سواء بنات او اولاد متعاون جدا مع الجنسين بالذات اللي بعيد . باذن الله اذا جبت الارقام راح اكتبها لكم هنا


بالتوفيق للجميع