بالنسبه للي يقول مافيها بدلات والراتب يشمل اي بدل ... لا تصرف من كيسك وارجع للخدمة المدنية لانو رسميا انت تعاقدك مع الخدمة المدنية مو مع الوزارة مباشرة مشان كذا كان اختبارك مقدم من الخدمة المدنية وبالنسبه لنظام الخدمة المدنية في الايفاد الخارجي ف انت راح تستحق البدلات وبالنسبه للراتب ف وزارة الخارجية طلبت انو يكون راتب المتعاقد الاحد الاعلى في سلم رواتب المتعاقدين وهذا كان في ٢٠١٣ او ١٤ مو متاكد والحد الاعلى ٨٥٨٠ ريال تقريبا فكيفك تقول انت ان الراتب ٧٠٠٠ ريال شامل البدلات ؟؟؟

بالنسبه للي يقول اتصل والموظف اداه معلومات ف احب اقولك مافي احد في الوزارة من الموظفين يقدر يديك معلومات عنها الا شخص مرتبتة وفي الاغلب السفير سلطان السلطان مدير عام شوون الموظفين

اما الترسيم اللي يقول قالو له الا بامر ملكي ويقصدبها المكرمه فتراك غلطان الترسيم على حسب رئيس البعثه اللي انت عنده عجبه شغلك اترسمت لو بعد ٣ شهور واحيانا يكون الترسيم بعد التقييم السنوي بشرط تكون في وظيفة شاغرة واللي يقول ايش دخلك في الاداريين انت بتجلس طول عمرك برا ف خليني اوضح لك حاجه .. ي سيد انت مشان تترسم لازم لازم لازم ترجع السعودية وتقدر تاخر الترسيم حقك لو كنت تدرس تقدم خطاب انك تدرس ويوافق عليه ويمكن ما يوافق اذا وافقو عليه تخلص دراستك وترجع مشان تترسم واذا ما وافقو عليه ترجع على طول او تجلس متعاقد حتى يجيك الفرج مره ثانيه وممكن ما يجيك

اعرف متعاقدين في بعض دول شرق اوروبا مبسوطين وما يبون يترسمون لانهم ما يبون يتركون الدوله

واللي يقول قالو لنا النتائج بعد اسبوعين في الاختبار ف وقتها انا قلت لك بعد شهرين ونوعية الاختبار قلتها قبل الاختبار ولو ترجع بتلاقي كلامي

لكن اللي يبي يحطم الناس .. اذا انت شايفها ما تستاهل ليه قدمت عليها وتعبت نفسك وتدخل على الموضوع وترد ؟؟
في ناس تحب هالشغله وناس حلمها تشتغل في السلك الدبلوماسي ولازم تكون في بداية لكل شي

اذا انت متحطم لا تحطم غيرك ... ما بياخذون احد ويرمونه ف ديره قبل ما يوافق على الراتب من هنا اذا ما عجبك لا تروح