السلام عليكم
حبيت اسأل وياليت اللي يملك اجابه يخبرني
انا لما رحت اقدم على وظائف هيئة الرقابه والتحقيق
جلسو البنات اللي معاي يستفسروا عن الوظيفه من الموظفه اللي كانت توزع علينا الاستمارات

فسألوها عن هل هناك اختلاط بالوظيفه قالت ايوه بنسبه 100%
وقالت كمان اصلا ماتلحقين تجلسين طول وقتك برا بدوائر
يعني طول ساعات العمل وعباتك على راسك
أنا صراحه ما صدقتها حسيتها تبالغ وتبي طفشنا

بس الحين اخوي طالعلي بموال ان الوظيفه لو جاتني راح يسأل عنها اذا فيها اختلاط
ولو كان فيها اختلاط بيمنعني منها
رغم انه قبل كم سنه كان يحاول يقنع بابا ان زوجته تتوظف بمستشفى على الريسبشن
يعني ماني عارفه وش هالتناقض من اخوي وليش التحطيم وقطع الارزاق
وابوي سألني هل الوظيفه اللي مقدمه لها بها اختلاط
قلت له احتمال يكون فيها تعامل مع الرجال بس اكيد مش 100% بس بالضروره
واكيد اغلب تعاملنا بيكون مع الادارات النسائيه
وعلى هذا الاساس بابا وافق
فياليت اللي عنده اي معلومه يفيدني
لاني صراحه معاد انا عارفه هل اشيل حمل نتائج قبول الوظيفه او اشيل حمل ان الوظيفه تجيني والله يرزقني فيها بعد عنا وتعب
ويجي اخوي يحرمني منها
ابي اعرف كل شيء عن الوظيفه عشان كمان لو فيها نسبة اختلاط قليله اقدر احاجج كل من يمنعني عنها لو الله كتب لي فيها نصيب


وشكراً لكم