والله ياجماعة الخير أنا محبطة للغاية و بذكر لكم قصة حصلت معي في هذا المنتدى،تم الإعلان عن وظايف حكومية بامانة الدمام وظيفة مراقبة صحية شهر6 العام السابق يعني مو قبل شهرين وقدمنا على موقع الأمانة ، في شهر11 ذي القعدة وصلتنا رسايل للإختبار والمقابلة رحنا واختبرنا شهر محرم تقريبا وصلت لي رسالة تفيد بقبولي وبغيت أموت من الفرحة وماصدقت حتى نزلت الرسالة بالمنتدى وبدو الأعضاء يباركون ودعت قطار البطالة رحت حولوني على الفحص الطبي في مركز اللياقة بالدمام اللي يفحصون فيه الشغالات والمبتعثين ووووو المهم وديت نتيجة الفحص الطبي وطابقنا الأوراق والشهادات واستقبلتنا رئيسة القسم النسائي السيدة بثينة العبدالهادي و هنأتنا بالقبول هذا الكلام كان شهر محرم وإلى يومكم اليوم لاحس ولاخبر،القهر والغبن إننا ندق عليهم مطنشين رغم إنها وظيفة بالتعاقد مرة مدير شؤون الموظفين رد قال لاتنتظرين منا شي سوينا قروب على الواتس أرسلنا شكوى للوزارة بالرياض وشكوى لنزاهة تواصلنا مع صحافيين كتبت عن معاناتنا د.أمل الطعيمي مشكورة بس مافيه فايدة القهر إن وحدة من زميلاتي اللي طبعن ماقدمت قالت لي في شهر صفر تقريبا أعرف وحدة توظفت بالأمانة ومنزلة صور لمكتبها أخوها يشتغل بالأمانة ووظفها قلت لا مستحيييييييييييييييييييل يمكن وظفوها عاملة إكرام موتى لأنهم كانوا معلنين عن شواغر مغسلة موتى ويبون ثانوي بس حنا جامعيات غير رجعت زميلتي وواجهتها فأختنا الموظفة الجديدة قامت تسب وتشتم وتقول إنتو حاسدين وسوت بلوك مع هذا أنا ماكنت مقتنعة إن الوظايف طارت،وبعدين قبل كم أسبوع راح أبو وحدة من البنات يسأل ويشم أخبار وسمع من أحد معارفه إنه تم توظيف مجموعة من البنات ثم إيقافهن حتى إشعار آخر بعد ماجت لجنة من نزاهة ؟؟؟؟؟؟؟؟؟؟؟؟؟ الظاهر يبون يخلونهم لين تبرد السالفة وبعدين يرجعونهم و حنا إلى يومكم اليوم لاحس ولاخبر تقريبا بنكمل 8شهور سوينا فحص طبي وطابقنا لأوراق ولازلنا عاطلات أو موظفات مع وقف التنفيذ