في قصة مادري هي صدق او لا ان رجل كان يمشي وسقط ببئر مهجورة ومكث عدة ايام حتى اصابة التعب والجوع و بعد ايام مرت قافلة و انقذتة وهو متعب واعطوه لبن فشرب شربة ثم سألوه كيف وقع فراح يشرح لهم كيف سقط فوقع في البير وانكسرت رقبتة ومات. الخلاصة ان الرجل هذا كان باقي له رزق في هذة الدنيا وهي شربة اللبن فلمااستكمل رزقة من الدنيا رحل . كذالك نحن في الحياة مارح نرحل من الدنيا حتى ناخذ رزقنا لو وقفت مليون واسطة وانتي ربي كاتب لك بتاخذينة بتاخذينة ولو ربي ماكتب لك لو جبتي واسطة من الملك نفسه مارح تاخذينة بس شوية ايمان يعمر قلوبكم وترتاحون لان لو قويتي ايمانك راح تعرفينةان هذا رزقك وهذا الخير اللي ربي كاتبة لك حتى لو كان البطالة او فقر يمكن ربي راد شر كبير عنك . عارفة ان الواسطة موضوع يقهر خصوصا لو صار قدام عيونك بس لاتحلطمين قولي يارب انصرني او اذا عندك دلائل اشتكي او خلاص سلمي للقدر. راجعي نفسك يمكن في ذنوب تحول بينك وبين رزقك تأخير صلاة الفجر خصوصا او اي ذنب . راجعي سيرتك الذاتية يمكن مو مكتوبة زين او ماعندك دورات تطويرية ابحثي عن خبرة لو بدون مقابل الشكوى لله . واذا مررة مرة قفلت بوجهك افتحي مشروع لين ربي يكتب لك رزق . انا مااتكلم بمثالية انا خبرة سنوات طويلة من البطالة ومرات كثيرة شفت الواسطة بعيوني شفت البنات المهملات اللي كانوا يدرسون معي ماسكات مناصب اللحين لكن ايش اسوي هذا القدر وهذا رزقي وهذا رزقهم يمكن ربي مخبي لي شي افضل حتى لو سمعت عن وظيفة احب اشاركها مع زميلاتي لو كانوالشاغر واحد مو مثالية او سذاجة لكن حديث الرسول لا يؤمن احدكم حتى يحب لاخية مايحب بنفسه او فيما معنى الحديث . على فكرة انا قدمت على هذي الوظيفة و نسيتها و قدمت على غيرها لاتربطون نفسكم بمكان معين قدموا على كل شي خاص او حكومي لين يجي الفرج
اسأل الله في يوم الجمعة المبارك ان يرزق جميع من في المنتدى هذا بوظائف تسعد قلوبهم و تعوضهم انتظارهم .