السنع اييييه خليها على ربك انا مقدمه بالحرمين ولا حس ولا خبر و مقدمه بمدارس المطورون ويدقون عليه تعالي مقابله وأروح لهم وكانت المقابله في مدارسهم اللي شرق الرياض مدارس الافق وانا اتعنى لهم من الغرب للشرق وأروح وزحمة متقدمات وانلطع فوق هذا نفخ وتأفف الموظفات علينا قاموا قالوا اللي متقدمة اداريه نعتذر مالكم مقابلات اليوم مقابلتنا للمعلمات فقط وأنتو انتظروا اتصال من فرع المدارس بلبن وارجع البيت مقهورة من الصبح منطقه عندهم ولا رجعت الا الظهر واكلمهم قالوا مافيه احتياج اداري اكتفينا حسبي الله عليهم مشورونا بالشموس واخرتها يستفزونا الله يجعلها بوجيههم اذا قاصدين تعقيدنا