* الحين انا ابي منطقة التعيين الحدود الشمالية عشان كذا اخترت في الرغبات الحدود الشمالية
والمناطق القريبة منها مثل الجوف القريات حفر الباطن وباقي المناطق القريبة منها .

# ويلاحظ من اختياري اني مختار المنطقة عرعر والمرحلة التعليمية مختلفة مثل متوسط وثانوي .

هذا اذا تبي تتعين في المنطقة اللي تبيها تختار نفس اللي اخترته انا ، بس صراحة احسب 4 مناطق

وجاني واحد من العيال وقال اختر اكثر عشان فرصة التعيين تصير اكبر واخترت مثل اللي بالصورة

وكنت ابي الترتيب عرعر القريات الجوف حفر الباطن تبوك ، بس تلخبطت في الاختبار وجات غير مرتبة مضبوط .

بس اهم شيء عرعر من الرغبات الاولى ، ويوم جيت بعدل للاسف انتهى الوقت المخصص لتعديل والحمد لله .

وهذه صورة لرغبات اللي اخترتها :



اما اذا تبي مرحلة تعليمية بغض النظر عن مكان تعيين هذه المرحلة تختار الرغبات الاولى

المرحلة التعليمية اللي تبيها مثل تبي المرحلة الابتدائية ، تختار كل منطقة طالبين بها مدرس للمرحلة

الابتدائية بغض النظر هذه المنطقة قريبة ولا بعيدة عنك ، وعلى فكرة اذا تعينت مرحلة ما وتبي تغير

عادي تقدر اذا جات حركة المعلمين السنة الجاية تقدم وتختار اول الرغبات المرحلة اللي تبيها .

مثل انا اتوقع يعينوني في المرحلة الثانوية ، بعد ما تجي حركة نقل المعلمين اقدم على الابتدائية

واختار اول الرغبات هي عشان اصبر بها ان شاء الله ، وهكذا لباقي المراحل التعليمية .

* ملاحظة : حركة النقل الداخلي هي نقل المعلم من مرحلة تعليمية الى مرحلة اخرى بنفس المدينة ،

حركة النقل الداخلي هي الحركة اللي تخليك تنقل من مرحلة تعليمية الى اخرى

مثل انا ادرس حاليا المرحلة المتوسطة وابي المرحلة الابتدائية اقدم على حركة النقل الداخلي عشان

اصير مدرس للمرحلة الابتدائية .

* ان شاء الله ان كلامي واضح ومفهوم واللي مافهم علي يسأل ، وكلامي هذا من

زملاء لي مدرسين قبل كذا واخذت منهم المعلومات الكافية والوافية .