السلام عليكم ورحمة الله وبركاته
كنت أقلب في إرشيفي المتواضع
فوجدت هذه القصيدة التي تعز علي كثيرا كثيرا..ليست القصيدة هي من يعز علي
بقدر مايعز علي مناسبتها وفيمن كتبتها لأجله..
بسم الله
انثريني في ضلوعك شوق واحساس وحكايا
انثريني واجمعيني وانثريني سرمديه
احضنيني..بهذليني..واروي اضلوعي الحنايا
ضاميه عامين لاهي ميته ولابحيه
ماوقف قدام شوقي لاصدود ولا خطايا
يوم كنتي تكرهين الوصل وتخافي الأذية
كنت هايم في وصالك لكن أحلامي شظايا
وانت حتى مادريتي وش جرا وش صار فيه
طارت أحلامي لقربك مابقى منها بقايا
لو لغيرك ماتت اشواق اللقى خضره نديه
بس هييييه إلا عيونك يا ماسويت السوايا
ياموردت الهلاك ويا مجننت البرية
مايجوز الحر عن حلمه ولو شاف المنايا
كيف لو حلمه عيونك ياموردت المنيه
ما شريتك بالورود وبالعطور وبالهدايا
جيت لك هايم وقلبي رافعه لك في يديه
أعشقك من قبل أشوفك..وأنت في حلمي معايا
ويوم شفتك كانت عيونك حلم وأجمل هديه
ياعيون الريم سهمك عدني ضمن الضحايا
غلطت الشاطر بعشر وغلطت الناظر وصيه
في خدودك تاهت النظرات يازين الصبايا
في خدودك تعصف الذكرى وترجعها عليه
يدي بيدك وعد ومعاهداتي لك وصايا
مايغيرنا الزمان ولاتفرقنا قضية
عاهدتني نكتب فصول الحكايه والحكايا
حبيبتي وأمووت فيها...وهي بعد تموت فيه