السلام عليكم

مشروع مربح باذن الله وفكرة روعة بس ترا فيها مشقة لانك بنت

واهم مشقة اختلاطك مع الرجال وتعرضك لاشياء كتيرة انت في غنى عنها والله مخالطة الرجال حتى لو اوقات بسيطة وحتى لو يقولك محترم او يخاف الله ما تصلح للبنت انا جربت اخدت دورة بمستشفى ولا كنت اختلط بشكل مباشر كل شغلي مع حريم بس امر من اماكن فيها رجال واحيانا اوراق اخلصها لازم مع رجال والله انو اسوا شيء

واكيد انت اخبر

فانصحك لازم يكون عندك محرم ثقة وتعطيه نسبة بسيطة مقابل المراقبة

شوفي انا سبحان الله لي ايام اتابع في العقار ومن قبل كان عندنا عمارة وكنت اسوقها وكدا ما عندي خبرة كبيرة خبرة بسيطة فاقولك الي اعرفه وانتي توكلي على الله

العماير في مكة اشكال الوان وفي غالي واسعار مبالغ فيها وفحش بس لا اكتر فبعدي عنها ولو قالولك جنب الحرام لانو اصحابها تحسي ضربوها بالعالي كدا بهللة وجشع وعن خبرة انا مجربتها دي النقطة تحديدا خديلك في مكان مرغوب احسن مكان يكون قريب من الحرم وفي نفس الوقت بعيد شوية زي العزيزية و بطحاء قريش والاحياء القريبة شوية هناك او حتى عادي الرصيفة والستين

المهم خديلك عمارة في وسط البلط عشان تضمني الدخل

تحتاجيلها غير الحارس عمال نظافة واحد او اكتر تحتاجي فرش من والى وتحتاجي ودا اهم شيء تطبقي شروط البلدية عشان يوافقوا لو تبيها شقق زي فندق او كدا او لو عادي كدا اذا بس تحتاجي فرش وعامل نظافة وحارس حق استقبال وصندوق وكدا

وطبعا احسن حل لك عشان تضمني فلوسك هيا المحاسبة اليومية كل يوم محرمك ينزل عند الحارس يشوف مين استاجر مين طلع و المبلغ ومع السلامة الحارس يحس بالرقابة وانتي استودعي الله مالك وربي بيبارك لك فيه ان شاء الله خصوصا لو تصدقتي من بريال او اثني من مبلغ كل غرفة او شقة

ولو انك تسوي نظام للتاجير زي مثلا في السوبرماركت لمن تحاسبي على الشي مو يطلعلك بالفاتورة الصنف والسعر وكله شيء موثق عندك وعند نفس الماركت

لو في نظام واتوقع فيه يكون للتاجير وما يستاجر احد الا عن طريقه

وحتى ان شاء الله ما تجتاجي مكتب عقار في تسويق الغرف ولا شي انتي حطي اعلاناتك بنفسك وسوي حسابات بنفسك وااعلني والله يوفقك وييسر امرك وايانا والجميع يارب