اخوي اول شي مبروك عليك التعيين
الشي الثاني خذ اهلك معك والدتك ووالدك للمنطقه الشرقيه
هذا مجرد اقتراح
لكن بقول لك سالفه يمكن تنفعك بعد الله بالنقل
واحد من جماعتنا كان ابوه مقعد بعيد الشر عن ابوك
ووالدته تحت مسؤوليته هي وعمته زوجة ابوه
جاه تعيين في جده وطابق واخذ المباشره وراح المحكمه واخذ صك اعاله على امه وابوه
صك اعاله وليس ولايه !
اعاله يعني تروح المحكمه وتقول ابي صك اعاله لامي وابوي واني انا اصرف عليهم واعيلهم وتجيب معك 4 رجال
2 منهم شهود انك تعيل امك وابوك و 2 مزكين للشهود
وضروري يكون ال2 الشهود من قرابتك
بعدها بيوم او يومين تستلم صك الاعاله
بعدين راح المستشفى وجاب له تقرير بحالة امه وابوه وانهم كبار ويحتاجون رعايه من شخص اخر على اساس الشخص الكبير مايقدر يعيش لوحده بدون مساعد ! تمام !
وجابه وهذا مااتوقع انه صعب عليك
وراح الرياض وقدم اوراقه للوزاره للظروف الخاصه وتقدم بطلب نقل وماشاءالله تبارك الله والله يااخوي ماجلس في جده شهرين !
وهذا هو الحين بالدمام من تعين للحين
يعني تحتاج صك اعاله وتقرير حاله صحيه فقط وقدم نقل الظروف الخاصه
وان شاءالله تتيسر
وامر السنتين التجربه لاصار فيه ظرف خاص مايهتمون للسنتين ويتم نقلك مع بقاء مدة التجربه قائمه
بالتوفيق اخوي