اقتباس:
المشاركة الأصلية كتبت بواسطة نوف نجد
السلام عليكم
عدت من جديد
وياليت الاقي عندكم حل
والعشم فيك كبير يافتى نجد
ولايهونون الاخوان الباقين
والي يقدر يساعد الله لايحرمه الاجر
السالفه
تتعلق بشخص
ساشرح لك ظروفه
وياليت ياليت
تدلني على مايمكنه فعله
هو موظف حكومي راتبه 5000 ريال
وينتهي دوام الساعه 3 العصر
ومن الساعه 5 الين 9 يكون بالجامعه
يعني وقته ضيق مررررررررررررررررره
بس دخله للاسف قليل جدا وخاصة اذا كانت كل مصاريفه اجباريه يعني التوفير نادر مايقدر يوفر
رسوم الجامعه مختلفه كل ترم
بس بين الــ6 الاف وممكن تزيد
الان بهالظروف وش ممكن يسووووي
اذا كان وقته ضيق لممارسة اي نشااط
ولايوجد لديه راس مال معقول
ممكن اخوووووووووي فتى نجد تدلني على افضل الحلووول لوضعه
ويارب يارب ماتنحرم الاجر
|
اخت نوف نجد السلام عليكم
الرجال وقتة مليان ماعندة الا الخميس والجمعة ومن بعد الساعة 9 مساء هذا ممكن يسوي شغلتين اذا عندة استعداد :
الاولى : يشتغل في سوق جملة الخضار يحضر الحراج اليومي ويصرف وهو واقف خلال ساعتين الى ثلاث وهذا يسويها يومي الخميس والجمعة والحراج يبدا من بعد صلاة الفجر الى قرابة التاسعة صباحا . ومن بعد المغرب الى اذان العشاء . ويركز على الاشياء اللي ماتخرب بسرعة لو ماقدر يبيعها ممكن يخزنها ويبيعها فيما بعد مثل البصل والبطاطس .وممكن هو يسوقها عند المساجد بعد صلاة الجمعة او يوزعها على المطاعم والبوفيهات .
الثانية : يشتغل في الجوالات المستعملة بيع وشراء يعني يوقف سيارتة عند محلات الاتصالات ويعرض في سيارتة . محلات الاتصالات ماتسكر الا 11 مساء تقريبا يعني يمدية يقعد لة ساعة والخميس والجمعة عندة الوقت طويل ويحاول يركز على اخر الشهر يعني من بعد 15 في الشهر تزيد الحركة في البيع لان العالم طفرت وتحتري الراتب فتبيع جوالاتها ومن يوم 24 في الشهر تزيد حركة الشراء لان العالم استلمت الراتب وتبغى تشتري .
موفقة