اقتباس:
المشاركة الأصلية كتبت بواسطة بكالوريس وعاطله
حلاوة روحت اليوم ،،،احسب ادخل لشيخ ،،،،طلع اليوم اخذ موعد فقط ،،،،،تصدقي هناك جالسه أفكر اني اطلع صك بدل النفقه ،،،،والله وسالت كم واحد وقال شوفي ايش شروطهم وطلعي ،،،،،حسيت انهم مبسطين الموضوع ،،،وروحت قلت بطلع صك اعاله قالي روحي الضمان جيبي خطاب وروحت لقيت الضمان مرة زحمه ،،،والله الحمدلله أعطتني خطاب وقالت هم يرسلونه لي المحكمه ،،،،آلمهم الله يعين ويسهل عليا اجيب الشهود وان شالله اذ روحت بطلب الشيخ الهاجري والله كريم
|
ماشاءالله تمام صراحة أفضلك انك تطلعي صك اعالة لان حتى اذا طلبتي نفقة على رضيعك صدقني راح يجي شهر من الشهور ماراح يدفع بسبب ظروفه أو يأخر النفقة مايرسلها الانهاية الشهرأو لازم انتوفي كل مرة تكلموه يرسل أو---------الخ عشان كدا طلعي صك اعالة وقدمي على الضمان وان شاءالله شهريا ينزل للطفلك من غير تأخير شوفيني أنابعد ماتطلقت أحيانايرسل وأحيانا مايرسل وأستلف وحالتي حالة الين ماالحمدلله طلعت صك اعالة وأضافتهم معي في الضمان كدا ماأشيل هم شي سواء أرسل ولاماأرسل خاصة لما بناتك ولاعيالك يروحوا مع سائقين لازم تدفعين نهاية الشهر للسائق ماينفع تأخير
اسمعي ياعسل لماتروحي مرة ثانية راح يعطكي موعد وراح يكتبلك اسم الشيخ وانتي للأسف ماتقدري تختاري الشيخ الموظف قال للزمليتي قالها النظام كدا لاأنهم يوميا لكل شيخ عدد معيين مثلا خمسة حريم الأولى تروح الهاجري الثانية تروح القرني الثالثة تروح الحارثي الرابعة تروح الهذلي الخامسة تروح الجابري وبعد كدا السادسة تروح الهاجري وهكذا
وإنتي وحظك أصلا لماتروحي يقولك تعالي بعد يومين ولماتروحي بعد يومين تطلع عند كاتب العدل تبع الشيخ يعطيكي موعد ويقولك تعالي مع شاهدين ومزكيين وقتها إسأليه طيب لازم الشاهدين من أخواني ولاعادي من أقربائي لان أتوقع في الآونة الأخيرة صار لازم الاخوة والمزكيين أي احد حتى اذا أصحاب أخوانك
واذا قال عادي من أقربائك عاد خلي زوج أختك وزوجك وهم بطريقتهم قوليلهم يجيبوا مزكيين طبعا اذا أخوانك رفضوا انهم يروحوا معاكم
طبعا أول مايعطيك ورقة وفيها اسم الشيخ خلاص لماترجعي كلمي أخوانك عالطول أعطيهم فكرة واذا رفضوا خلاص خلي أختك تكلم زوجها وانتي كلمي زوجك واذا مثلا رفضوا عاد تدللوا عليهم باأسلوبكم أو قوليلهم بطريقة غيرمباشرة عند طلب أتمنى انك ماترفضه وإنت حياتي كلها وأنامالي غيرك ووووووووووووووووووالخ هههههه ماأقدرأقول أكثرمن كدا في العام وان شاءالله يرضوا ويساعدوكم ويجيبوا مزكيين