عادي المهم الثقة بالنفس .. وخليكم هادين
اتذكر مره سويت مقابلة شخصية وسألوني شي بتخصصي وكنت ناسية
بكل بساطة قلت ما اتذكر ومن الطبيعي ما اتذكر لاني ما راجعت هالشي من زمان
قالت هذا تخصصك قلت حتى ولو حتى المفتي اذا بيفتي عن الحج او الصيام بيراجع ويحضر باب الحج وباب الصيام ولابد من الدقة في الجواب
وسكتت وانا كنت صادقه طبيعي تنسى
وبعد خلوني أقرأ قصة ذئب ومدري وش كان معه .. هنا سوي نفسك تقراها للأطفال لانها قصة سامجة تبي تشويق وتلوين بنبرات الصوت
والقطعة الجادة خلك نشرة اخبار او الطقس
الزبده بدون جمود ولا استهتار وضحك
اما الأسئلة الاستفزازية تخيل الموقف وانسى الاستفزاز وابتسم
عطيته كف وما سكت ! 😯 تخيل الموقف وعادي جاوب وابتسم
اتذكر بعد مره سألوني ايش تشوفين نفسك بالمستقبل وقلت وزيرة لتربية والتعليم 😂
هذا وهو قطاع خاص .. المهم التوكل على الله الطموح الكلمة الجميلة الهادفة و الاتزان
الله يسهل امرك ان شاءالله تجي تبشرنا بالقبول
وعقبال تطلع اسمائنا مرشحات آمين 