السلام عليكم
انا من سكان مكة ورحت مرة لمكة مول عندنا بسأل عن سعر ايجار كشك .. مالك بالطويلة وطلع سعر الايجار ب 170 ألف في السنة ومقدم نصف السعر ومكان الكشك يعتبر في الطرف ..
أنا لو نويت استأجر بيكلفني 85 ايجار نصف سنة غير الكشك نفسه غير البضاعة بيكلفني تقريباً حدود 140 ألف تقريباً .. وباقي 85 ألف ايجار النصف الثاني ..
يعني تكلفتي في السنة الأولى 225 !!! وعلى كشك !!!!!!!!
اعتقد أن نسبة نجاح الكشك ضئيلة ..
في النهاية قد تنجح في الكشك بحسب مكانة المول ومحلات الماركات في قلوب بناتنا حفظهم الله !!
مكة مول عندنا أعرف ناس تجيه من الطايف !!
لذلك المولات والكشكات فيها خير كثير لكن بالنسبة للإيجار تكاد تختفي الأرباح ..
المبلغ المقدم من الايجار يسويلي محل ورأس مالي قد يعود في غضون 6 أشهر ..
والأخوان ذكروا أن الايجار يصل 8000 في الشهر !!! أعتقد أنها بتكون مهمة صعبة عليك .. بس إن شاء الله الصعب يسهل عليك..
وآسف على الإطالة وأعذر من الجميع ..