السلام عليكم
جبت لكم قصيدة ان شاء الله تعجبكم
تتكلم عن الأنسان لما تموت أحلامة قدام عيونة ولا بيدة شي
يا نار كسرى تعالي اليوم شبيني
النار منك أبيها تحرق أصنامي
صفحات عمري تجرد من عناويني
قارون بيده زماني هشَم أحلامي
دورت ويني ولا أدري وين أنا ويني
اطوف وسط الشوارع .. وأرمي أحرامي
وآشوف حقي ... ورقمي واصل أيديني
اللص يصحى يجيني يخطف أرقامي
ياخذ يديني ... يعريني وينفيني
وآصيح وآسال ... ومنفى دون أختامي
أسأل زماني علامة .. ليه ناسيني !!
ما شاف جمر المسالك ... يحرق أقدامي
الشمس غابت .. وذابت شمعة سنيني
وشظوف صارت تجي ..بأرهاصة أيامي
وآعيش وحدي ... ولا لي من محبيني !!
أحيان مني ومني ... تهرب أقلامي 
للشاعر - فيصل الحلبوص الشمري