المشاركة الأصلية كتبت بواسطة فقط وحدي

الحمدلله على كل حال .. الف الف مبروك للي تعينو والله يعوض اللي ما انقبلوا خير مما انتظروا..
والله ما كنت أتوقع ان كلامي بيكون له ردة فعل ما تعجب احد لكن الله وحده الشاهد على كل النوايا ووالله العلي العظيم ان القبول كان بمجهودي ولا فيه واسطة مطلقاً انا لي 4 سنوات من تخرجت من جامعة ام القرى علاقات عامة ماتركت جامعة بالمملكة وحتى معهد الادارة العامة وإلا وكان لي فيها قبول مبدئي ومقابلة بعضهم تطلع النتيجة بالرفض والحمدلله وبعضهم لا حياة لمن تنادي انتظر واتصل لا احد يجيب كنت راضية وراضية والحمدلله لم اعترض وحتى ما كنت اشكي همي لأحد من الخلق فقط للي خلقني ي بنات ويا شباب والله كلامي كله من تجربة وكل واحد منكم يفكر فيه مع نفسه ويتأكد من صحته نفس الكلام اسمعه في كل منطقه اسافر لها من اجل التقديم لا تتعبون نفسكم تراهم مايمشون الا بواسطة وكنا نسكت كثير من الأخوات كانوا يرددوا هالكلام ولما يجي قبولهم يقولوا الحمدلله بس الأقسام الثانية فيها واسطه
لا تسمعوا لأحد لا تهتز ثقتكم بانفسكم كل اللي تعيشونه من تجارب ومحاولات هي من مسيرة اقداركم بالنهاية رح تلاقون رزقكم وعند الله ما توعدون أحسنوا الضن بالله اصبروا وربكم ما ينسى عباده
سافرت لأماكن كثير احيانا كنت أتمنى اني وفرت قيمة التذاكر والسكن لأحتياجاتي مع اهلي بدل هالمشورة اللي ما تطلع بنتيجة كل اللي راح لجامعات يعرف وش معنى اللي أقوله
بالنهاية التوفيق من الله عز وجل والحمدلله على جميل ما يعطي وعلى كل شي نسعد به
الله يوفقنا جميعاً والله يجنبني ويجنبكم صحبة من لايرضى بقدر ويدعي بما لايسر 😣
ووالله لو ان لقبولي واسطه لما كنت جيت من مكة للأحساء انا مو جالسة احكي لكم كلامي خوفاً او تودداً ولكن لتعتبروا ان لم تقدموا على امر وأنتم محسنين الضن بالله في كل تفاصيله فلأنفسكم ولكن لا احد ينشر اشاعات ويستفز خلق الله بما ليس صحيح ..
ما احد يعرف احد ما كتبناه رسم لنا اخلقنا فبأخلاقنا نرتقي أتمنى ان لا أكون اخطئت على احد منكم بغير قصد وعفى الله عني وعنكم وعن المؤمنين والمؤمنات
والسلام عليكم ورحمة الله