الحمدلله انا طلعت سجل اسره للاحتياط ماادري عن انظمتهم الجديده معنو الحمدلله بصوره كرت العائله الي عندي سجلت ولدي بالمدرسه وفتحتلهم ملفات بالمستوصفات. وحجزتلهم بطياره وكلي شي مااحتجت الاصل ابدا
المهم
اخذت موعد اصدار بطاقه جديده اصلا هما مايهمهم اخذتي موعد عن ايش لانو مافي خيار اصدار سجل اسره يعني تحجزي موعد برنت تحجزي موعد تجديد بطاقه مايهمهم
المهم اخذت كل الاوراق من الصك شهادت الميلاد كرت العائله الي مضافين فيه الابناء وبطاقت احوالي
اوراقي كدا كامله
الا وقفتني الموظفه قالت ابغى كرت العائله حق ابوك الي انتي مضافه فيه قلتلها ماجبتو انا اتصلت عليكم وانتو ماطلبتوه قالت لازم اوراقكك كدا ناقصه ولازم تجيبيه قلتها مااقدر ارجع جايه مع سواق قالت لازم هدي الشروط. واعطتني اوراقي ونادت الي بعدي
دخلت على المديره قلتها لما اتصلت. عليكم اسالكم ماقلتولي انو لازم اجيب كرت عائلة ابويا. الي انا مضافه فيه وانا مااقدر ارجع
قالت معاك بطاقت احوال لك قلتها ايوا قالت انتي اصلا. مضافه مع ابوك قلتها ايوا. قام اتصلت على الرجال وقالتلهم لاجات معاملت فلانه الي هيا انا مشوها والحمدلله طلعت السجل بربع ساعه
طبعا احوال المدينه المنوره فرع العاليه
قلتلكم الي سار عشان تاخدو احتياطكم وتجيبو كرت العائله حق ابوكم. ولازم تكوني مضافه فيه احتياط عشان محد فيهم يهرج
والله يسهلكم ويفتحها بوجهي وبوجه كل من قال امين