وعليكم السلام ورحمة الله وبركاته
حالتك تقريبا شبيهة بحالتي في نقطة اني ابي ادرس عندي بكالوريوس والمعدل اقل من معدلك بعد وابي ادرس ومافي وظيفة بعد تعبت ماكو شي ومثل ماتفضلتي الجامعة ما تأسس الطالب لسوق العمل بالشكل المطلوب
سمعت بالجامعة السعودية الالكترونية مافي شهروط معقدة ودراستها بالانجليزي وفيها تخصص انجليزي اذا حابة تدخلينه وفيها تخصصات اخرى وهي جامعة حكومية بعد ومعترف فيها وشهادتها انتظام , بس الان خلص التسجيل ممكن يفتحونه الفصل الجاي او السنة الجاية مع التقديمات فاذا حابة تدرسين فيها جدا ممتازة ودوامها يوم في الاسبوع تختارينه صباحي او مسائي والباقي كله على النت
بالنسبة لمصروفاتها الساعه ياخذون عليها 130 ريال يعني في الفصل 1600 الى 2000 على حسب عدد الساعات

طبعا احاول اني اشوف لي مخرج ومدخل ابي ادرس لان كل شي يبي له مصروف سواء دراسة داخل البلد او خارجها , لاتستسلمين فيه فرص ان شاء الله راح تتسهل الامور بس يبغى لها ترتيب الوقت
- ايضا بامكانك الدراسة عن طريق النت في مواقع وفيديوهات كثيرررة جدا وانتي مرتاحة بالبيت تقدرين تتابعين الفديوهات او تقرأين في المواقع النت كبداية حتى تحسي صار عندك اساسيات وقدرة على اللغة وبعدها انطلقي في دورات اللغة بالمعهد حتى ماتتعبين وقت الدرس لان بيكون عندك اساس من قبل

ايضا في مكتبة جرير بعض الكتب لتعليم اللغة انا حاليا عندي كذا كتاب كل يوم احفظ كلمات جديدة واكتبها بيدي لين احفظها وفي اليوتيوب اتابع بعض الفديوهات حق اللغة
لان حسيت من كلامك عندك طاقة هائلة للتعلم اللغة وهالشي جدا ممتاز فقط تنتظرين الفرصة المناسبة حتى تنقضين عليها ههههه
وانا واثق بانك راح تحصلين هالفرصة وانا ايضا احاول ابحث عن هذه الفرصة بشتى الطرق فقط لاتستسلمين حتى وانتي تبحثين عن الفرصة بامكانك تطقطقين على النت وتتعلمين لو شيء بسيط كل يوم , اعتذر على الهذرة الطويلة بس حسيت لابد من كتابته

الله يوفقك ويسهل دربك يارب ^_^