السلام عليكم
مساء الخير يا الغالين ..
الحمد لله تم قبولي صرّاف فالراجحي
علما اني حامل بكالوريوس إعلام - علاقات عامة
اليوم تم قبولي وعطوني الاوراق اكملها والفحص الطبي.
بصراحة ماشفت فيه جديّه من الشركات واغلبها متعاقده مع شركات كبرى ويعلنون عن رواتب
واذا جيناهم حصلنا غير المُعلن عنه , هذا شي وتطفيشك بالعمل بعد 3 اشهر شي ثاني عشان تقدم استقالتك
ويعيدون المسلسل بتوظيف السعوديين من جديد ويستفيدون من مكتب العمل والموارد البشرية ,
قلبتها في راسي ماحصّلت وظيفة رسمية تستاهل ( التعب ) الا في بنك . حتى يكتب الله لنا نصيب في الخدمة المدنية ,
البنك رواتب عالية واستقرار وظيفي
والضغط في العمل شيء مُتعارف عليه لكن الاهمّ هل بعد الضغط فيه رواتب واستقرار ؟

بستفسر من اهل المعرفه كوني مبتدأ ,

كم مدة الدورة قبل الترسيم؟ وكيف رواتبها ؟
وكم الراتب بعد الترسيم؟
وهل فيه علاوات سنوية ؟
والاجازات كيف ؟

علما انهم قالو لي اني مُستثنى ومتصلين علي مخصوص لأني احمل البكالوريوس
والتقديم الفاتح حاليا على حاملي الدبلوم والثانوي

ابي من اهل الشأن اجابات لأن هالتفاصيل يقولون تدري عنها اذا جيت توقع العقد لكن محاكيكم وده ياخذ معلومات اكبر ويكون مُطّلع من اهل الخبرة حتى ما اتعرّض لنصب او ماشابه ذلك ,

وجزاكم الله خير
وعـقبالكم يا العاطلين .