اقتباس:
المشاركة الأصلية كتبت بواسطة خالد عروة
الله يعافيك يالغالي ماقصرت
انا الحمدلله انقبلت في المعهد تخصص محاسبه - لكن عندي اسئلة واتمنى تجاوبني
انا من برى الرياض ولا اعرف ايش يصير في اول يوم ! يعني متى استلم الجدول والسكن ؟ - والاسبوع الاول فيه دوام ويحسب الغياب ؟
وكيف دراسة المعهد سهله ولا فيها صعوبه شوي ؟
وبالنسبه للانجليزي فيه اختبار تحديد المستوى ولا يبدون معي من ABCD
|
حياك الله ياغالي
في البداية , راح يرسلون لك باسورد واسم مستخدم على جوالك , طبعاً اسم المستخدم هو رقم الهوية والباسورد المفترض يجيك على الجوال برسالة نصية
تدخل الموقع وتروح لـ خدمات الدارسة وتدخل اسم المستخدم ( رقم الهوية ) والباسورد , وبعد كذا راح يدخلك على قائمتك اللي فيها غيابك ومعلوماتك وجدولك , طبعاً محد يقدر يحاسبك شفهياً او يعاتبك لأن كل شي بالنظام
بالنسبة من اللي خارج الرياض , تقدم على سكن يعطونك في نفس اليوم ولا تنسى جيب معك صور شخصية وقدمها لهم
المعهد بالنسبة للغياب عندهه نظام ساعات , يعطيك عدد ساعات معينة مثلا 29 ساعة الاستبعاد :-
حد الساعات المسموح به للغياب هو 28 و الاستبعاد على 29 , ان شاء الله خلصتها بأسبوع اهم شي لاتزود عن 28 لان 29 هو الاستبعاد
بالنسبة للغة , طبعاً فيه اختبار تحديد مستوى , وحاول قد ماتقدر اذا كنت تعرف الاجابة انك تجاوب غلط ,عشان تستفيد , لان اذا حطوك بالمسوتى مثلا 2 او 3 , راح تقعد على كل مستوى شهرين ,يعني انت استحقيت المستوى 2 واصحابك بيبدون بالأول , راح تنتظر شهرين بالبيت على مايخلصون اصحابك وبعدها تلتحق فيهم , وانا ما انصحك عشان تستفيد من الألف الى الياء
اي استفسار ثاني انا حاضر