ان ربحت فبارك الله لك ،
لكن كيف تم الربح والسوق نزل الاسبوع الماضي الى 6981 ثم ارتداد خفيف الخميس ؟
ومسألة انك تعرف الربح للاسبوع القادم فهذا غير مقبول اطلاقا في سوق المال !

عموما نصيحتي للجميع السوق لازال خطر ، لايعتمد على التحليل الفني اطلاقا .

اما دورات التحليل االفني فهي غير مجدية ، مثال لما يجي يقولك اذا كسرنا هالنقطة السوق بينزل كذا ، والا اذا ارتفع فوق كذا بيكون ارتفاع .
أبعطيكم مثال : النزول اللي حصل بنهاية 2014 وصل سهم المراعي الى 67 ريال وكان نزول المؤشر لبحر ال7000 ، في النزول الأخير وصل المؤشر الى 6981 ووصل سهم المراعي الى 81.46 ريال .

هذا وش يدل عليه ، هذا يدل على ان السهم الاستثماري ينمو مع السنوات ولايتأثر بالسوق كم نقطة اضافة لتوزيع العوائد السنوي ، ( طبعا ليست توصية شراء او بيع )
هنا ياعزيزي التحليل الفني ماله اي دخل ، والتحليل الفني يعتمد عليه مضاربين وهو غير مجدي اطلاقا ، واكبر دليل مع الهبوط القوي يختفون هم وشخابيطهم

على فكرة مثالي هذا عصفورين بحجر ، يعني التحليل الفني مامنه فايدة ، والشي الثاني كيف ان السهم الاستثماري والقوي ينمو مع الوقت اضافة للعوائد ، مو زي السهم الخشاشي مثل دار الاركان اللي ب 6 ريال

وعموما المرحلة هذي هي دورة اقتصادية وهي تحول الطفرة من العقار الى الاسهم .
لكن لا انصح بالدخول لسوق الاسهم الان اطلاقا .

اما انت ياصاحب الموضوع عطني الاسهم اللي دخلتها الاسبوع الماضي والسوق نازل بشكل عامودي وبكم شريت وبكم بعت

يعني معقولة السوق نزل 1200 وبشكل تدريجي وانت تحقق 10%


اسف على الاطالة يا اخوان
وباذن الله قريبا سأطرح مواضيع عن سوق المال ،
على فكرة لاتحسبوني هامور والا شي ، بالعكس شخص عادي لكن نضجت تجربتي بسوق المال وحبيت ابين للجميع خطورة الوضع حاليا

وتذكروا الطفرة القادمة ستكون في سوق المال

وباذن الله ان تيقنت باستقرار السوق سأخبركم

بالتوفيق للجميع

اما انت ياصاحب الموضوع ، من خلال ردودك يبدو لي انك غير صادق
واتحداك ان تطرح الاسهم التي دخلتها فيها وخرجت بربح 10% فيما تم تسييل محافظ التسهيلات بسبب قوة الهبوط


تحياتي لك وللجميع واتمنى ان يتسع صدرك وترد