المشاركة الأصلية كتبت بواسطة فادي العتيبيي

صباح الخير اصدقائي ..
اخباركم عساكم بخير ..
اليوم رحت للخارجيه وتوني طالع من عندهم ورحت لمساعد شؤون الموظفين وانتظرته ساعتين وكل ماقال لي السكرتير يمكن يطول في اجتماعه قلت له ماراح اروح اليوم الا لما اقابله وبالفعل دخلت عليه .. الرجال محترم وكلامه صريح ..
سلمت عليه وقلت له انا جيت هنا للمره التاسعه وغيري من زملائي المتقدمين جو هنا وكل موظف يعطينا معلومه تختلف عن المعلومه اللي ذكرها غيره من الموظفين واليوم ابيك تحط النقط على الحروف .. وبعد ماسألته عن المقابلات قال لي : الوظائف التعاقديه والوظائف الدبلوماسيه كل اوراق المتقدمين المرشحين للمقابلات ارسلناها ( كاستفسار ) للمباحث والاستخبارات والادله الجنائيه . وقال لاتعتقد باننا نايمين وناسين لاننا كل يوم نداوم على اوراقكم ومعاملاتكم فانتم شغلنا الشاغل .. ولان العدد كبير فمو بالسهوله ذي نخلص .. وقال لاتخافون قريباً بتخلص اوراقكم والله يوفق الجميع