المشاركة الأصلية كتبت بواسطة حتى حينه

الكشف الطبي المواعيد كانت من امس
معك من 4 - 6 المساء اذا جيتهم بعدها بيقولون لك تعال بكره
نفس نظام الكشف الاول .. نروح المكتب ونسجل وبعدها ننتظر ، نطلع بالباص للمبنى الثاني وننتظر بالقاعه الكبيره ..

ننزل للقبو وياخذون منك البصمات ، تروح لاختبار النفسيه 50 سؤال تقريبا اختيارات والاجابات هي " نهائيا ، نادرا ، احيانا ، غالبا ، دائما " .. نهائيا يعني لا ، دائما يعني نعم .. تخلص الاختبار وتروح نتيجتك لدكتور النفسيه تدخل عنده ويشوف نتيجتك ويسأل كم سؤال بسيط وتطلع .

الاختبار سهل جدا .. هل انت تخاف من مقابلة الناس ؟ عندك ميول انتحاريه ؟ يعني اشياء زي كذا بسيطه وواضحه ما يبيلها تفكير.

بعدين تروح للاشعه .. تطلع وتروح تعطيهم عينة بول الله يكرمكم .. وياخذون منك عينة دم بعد ، وترجع للقاعه تنتظر ويطلعونك بالباص للمبنى الاول.

هذا مختصر الكشف الطبي الثاني .. ما فيه شئ صعب ولا تقلقون الامور اقل من عاديه والوضع بسيط .. ما دام الاشعه وتحليل البول والدم عندك سليم فأنت مقبول بإذن الله.