اقتباس:
المشاركة الأصلية كتبت بواسطة الله كريم2
اخوي لو ممكن تعلمنا وش نجيب معنا بفترة الاستجداد ال45 يوم لان بصراحه متخوفين منها
|
أبشر بعزك ما طلبت شيء
اول شيء الكلية فيها بقالة تبيع مشروبات غازية وبساكيت وغيرها واسمه النادي
وفيه محل ثاني اسمه الدكان يبيع مستلزمات شخصية مثل معجون اسنان , مزيل عرق وملابس وغيره .
اللي تجيبه معك :
1- مبلغ مادي وكل ما كثرت كل ما كان افضل عشان ما تحتاج لاحد وجبه فكة لاتجي بـ 500 وتتوهق .
2- جب بطاقة شحن من سوا عشان تكلم اهلك من التلفونات .
3- الملابس كثر شرابات عزكم الله وملابس داخلية .
4- المستلزمات الشخصية مثل معجون اسنان ومزيل عرق ومقص اظافر وغيره .
5- فنايل مموه عشان تلبسها مع الفرهول لأنهم بيسلمونك 2 وما تكفي صراحه جب معك زيادة .
6- مصحف صغير تحطه في دولابك .
طبعاَ الكريمات فازلين وغيره ممنوع
البنادول لو تجيب يكون افضل واتوقع ياخذونه منك لكن حاول تزبنه لأنه بتجيك ايام تصدع
بغيت انسى شيء كنت فاقده ايام الـ 45 جب معك ساعة ساعة ساعة تبي تجيب اللي تلبسها او تجيب الصغيرة وتحطها
عند سريرك اللي يريحك اهم شيء ساعة عشان تعرف الوقت واحياناَ تقوم اخر الليل منلخم ما تدري كم الوقت 
وهذا اغلب الاشياء 
.