يعطيكم الف عاافية وصراحه شيئ مخجل للجميع وخاصة البنات
اممم نبتدي يوميات عاطل
طبعا متخرج من سنة 2001 >>شايب ^_^ المهم ماحصل اني ادخل جامعة اوكلية
قلت الله موكاتب اكمل المهم سنتين وانا كل يوم اطلع ادور على وظيفة الي يقول لخريجين الجدد تروح يقولك عندك انجليزي تقوله لاء قال نبي انجليزي مع انه وظيفة ماتحتاج انجليزي المهم كل واحد يعطيك وجهة نظر الي يقولك روح معهد دورة ادخال بياانا ت الي يقولك معهد اخذ لك لغة انجليزي
حصلة اول وظيفة نقول مبروك شنوو >سكورتي < اول يومين دوامت حلوين ثالث يوم الي يستلم الدوام بعدي سحب على الوظيفة وادوامها من 6 الصباح الى يوم ثاني 6 المغرب على اساس انهم يشوفون حد يغطي بدل الي شرد وكأنه العقاب او انا المذنب عشان اهوو شرد من الوظيفة وعلى راتب 1500ريال قلت بطلنا مانبيها من وظيفة رجعنا على نفس المعاناه البحث عن وظيفة المهم رحت عن طريق مكت العمل على موئسسة خاصة اسمع مسمى الوظيفة (مدير العمال)<< اغراء تسمع مدير تقول الراتب 10 وفوق راتبها 1200 قلت ماشي اهم شي في مصروف باليد شروطهم عشان قبولك 1 : السيارة عليك قلت مومشكلة 2 البنزين لك في اليوم 15 لتر من الشركة قلت مو مشكلة 3 عملك بين الخبر والدمام بصراحه وماكذب عليكم قلتله شرايك بعد اكون سواق مدير الشركة والسيارة علي والراتب من عندي بعد يعني مو موافق قلت اكيد الدوام من 5 الصباح الى 8 المغرب و1200 وكلشي علي لايكون انا صاحب الموئسسة
المهم كل تقديم قال خبرة (لايوجد) قال طيب اقل شي تعرف كمبيوتر قلت اعرف قال لازم شهادة لاحوول كيف تطلب وبعدين الحجة شهادة
اخوي الي اصغر مني تخرج وصارنا اثنين بالبيت عاطلين قلنا ناخذ دبلوم حاسب
وتطلع الطامة الكبرى وقسم بالله (تخصص برمجة)<< مسقم على 4 سمستر تخيلوو معاي تخصص برمجة ويطلع نظام جديد بالمعهد وبدل مايكون الدراسة تطبيق يكون كلشي نظري!!!! كيف اكون مبرمج !!! واغلب اجهز المعهد موجهازة ومعهد معروف مابي اقول اسمه والمغري فيه تتخرج وظيفتك مضمونه وعلى المرتبة السادسة !!
نجي للوظيفة الثانية كاشير (محاسب صندوق)
اشتغلت معاهم شهرين احصلت لي وظيفة ثانية طلبهم ادفع 2500 ريال عشان يعطوني اخلاء طرف وراتبي 1700 !!!
الوظيفة الثالثة شركة حفر زيت (واسطة) مقابلة دورة مدة اسبوع توقيع العقد شرط جزائي حال تترك الشركة 50 الف وقعت العقد نظام الشركة معروف في السيفتي الراتب مغري 5000 تأمين صحي لك وعيالك وزوجتك اول يوم دوام المدير الي عليك خبرة وهو الي يصيبني كسر يدي قلت بطلنا خلاص
جلست في البيت سنتين عاطل صار كل شي واسطة اتصل علي واحد قالي شركة حفر زيت الراتب مغري هم 5000 ريال بس مدير التوظيف طالب 3000 ريال قلت سنتين عاطل ادفع وبعدين تجي مع الرابت تخيلووو دوامت سنة مع الشركة ولين احين مديوون !!! الراتب طلع 2900 ريال اثنين مافي تأمين صحي والمشكلة الأجانب تحسدك على الراتب تقولك تدوام اسبوعين وتطلع اسبوع اجازة واهانة وذل من المسؤولين لما تشتكي يقولك تحمل عارف الوضع عندنا مافي وظايف حافظ عليها 3 : وين تشتكي وراتبك عند مكتب العمل مكتوب 3500 وصاحب الشركة (آل)<< بدون تعليق سبب اني طلعت من الوظيفة المدير الي علينا اول يوم رمضان قال الي يبي يصوم يرووح بيتهم هنا مافي الى شغل الواحد خلاص يطفش مافي زيادات
مدير الموظفين تخيلوو معاي الموقف اعرفوو انه يشغل بفلوس عشان يعاقبونه من مكتب العمل يتوظف بوظيفه افضل من الي قبل وراتب اعلى منها!!!!!!!
(ضربت النفسية ) جلست في البيت شهرين قلت نجي على الدورات اخذت لغة انجليزي اربع شهور كلمني واحد خليجي اعرفه قالي ليش ماتجي عندنا بمركز الجزيرة تاخذ دورة مونتاج تلفزيوني قلت نجرب مجال الأعلام واحب الشغلة هذي مونتاج وتركيب وووالخ مدتها شهر (16الف) السكن عليك (8000الاف) تخرجت لي ثلاث شهور اول ماقدمت باوزارة الأعلام قالي ماعندك شهادة على اقل تثبت فيها انك تعرف وندخلك تدريب طبعا صار التسجيل بشهر 6 على ماذكر المهم بعد النصيحة دام انهم طالبين شهادة رحت مركز الجزيرة رجت للشخص اقدم عنده الرد شنوو قالي شهر ماتكفي !!!!!!
بالعربي (واسطة) افهم هذا قصده وحاليا عاااطل الظاهر بتصير عندي هواية غريبه واهي تجميع الشهادات
وآسف على الأطالة يمكن لو يوم فكر حد من المسؤلين يدخل الموقع يشوف معانات البطالة اتوقع يدخل شاب يطلع شايب
اذا قالك سعودة الي مايعرف المستفيدة الشركات والمؤسسات كل توظيف سعودي يحق لشركة تجيب ثلاثة عمال اجنبية