المشاركة الأصلية كتبت بواسطة حلم النسيان

يعطيك العافيه اخوي على الموضوع المميز الي فعلنا بحاجة لمثل هذي النقاشات ...
انا مره حضرت دورة تتكلم عن المشاريع الصغيره للدكتور احمد حميده ويتكلم عن الاجانب وصدمني الصراحة
هو ان 5% من المحلات الموجودة في الغريبة فقط باسامي اجنبيه وملكه اجانب
ام 92% من المحلات بسامي سعودين ويملكه اجانب !( اي اسم سعودي فقط ويستلم مبلغ رمزي من الاجنبي كل شهر )
والمتبقي اصحابه سعودين ويملكونه سعودية اي 3% من المحلات الموجودة في الغربية

فاصرحة شي يخوف ... وعندما نتحدث عن الاجانب وو الخ فالسبب الكبير هو من نفس الشخص السعودي بدل مايتعب ويكسب خلاص كل شهر اخذ مبلغ واريح نفسي من التعب وغيره ... هذه هو التفكير السعودي يبغى الراتب او مبلغ كل شهر بدون اي تعب
أنا ماعمم ولكن الاغلبيه عندنا في الغربية
...........................
راح اقول لكم قصة حقيقه للاسف عندنا في مكة محل مشهور للبرقر في مكة فقط 17 فرع مشاءالله تبارك
صاحب المحل سعودي والي يملكه سعودي وصافي ربح في الشهر للمحل الواحد 12 الف ريال جاء له اجنبي قال له اسمع ليش تتعب نفسك انا استلام المحلات كله وانت مالك دخل ولا في شي وكل شهر اعطيك 2000 ريال على كل محل اي كل شهر يكون في جيبك 34000 الف ريال وانت جالس في بيتك ولا تتعب عمرك ولا حاجة ولا يمهم المحل ربح او خسر ....
انبسط السعودي وافق على العرض الي جاء له واستلام المحلات الاجنبي وبدأ في شغله ...
الاجنبي بدل مايبيع فقط برغر صار يبيع الان كباب ايضاً والكباب هو نفس البرغر ههه يذوب البرغر ويحطه في اصياخ وصار كباب
فا لو حسبنا صافي الربح للمحلات الان على الحسبة القديمة راح يطلع الربح السنوي ل 17 محل 2448000 ميلون ريال
ولو طلعنا حق السعودي الي سلمه للاجنبي يطلع حق الاجنبي 2040000 هذه مكسب الاجنبي
أنا ماكتبت هذه اله عشان نعرف ان الاجنبي يكسب مبلغ مهوله وحنا ناخذ شي بسيط فقط عشان اعطينا اسمنا للاجنبي فقط

والحكومة ماقصرت مانعت الاجانب من فتح محل باساميه إله بشروط معقده وهذه للدعم الشاب السعودي ولكن المشكلة فينا ننحن كأشباب
..................
وبخصوص ان الشعب يحب يتعامل مع اجانب افضل من السعودي فاهذه صحيح للاسف
وانا مجرب هذه الشي .. انا عندي مكتب استيراد من الصين في الصين وانا الي اديره بنفسي مع الموظفين ولي خبره 6 سنوات وعندي للغة صيني كتابة وتحدث ..
ولكن اغلب الي اتعامل معهم من دولة اخرى مثل الجزائر وليبيا للاسف .. السعودي اول مايعرف ان المكتب هذه صاحبه سعودي على طول يشرد ولا يفكر يتعامل معك يتعامل مع اليمنى وغيرهم من الجنسيات .. وفي بعضهم يتعبك وتروح وتجي معه وفي النهائية يروح للاجنبي ويتفق معه ويسحب عليك ... واغلبهم اعرفهم صار لهم عملية نصب من نفس الاجانب الي تعاملو معهم .. القصص والكلام يزيد بخصوص هذي النقطه ولكن لي رجعة باذن الله للموضوع والنقاش هذه

فاهذي مشكلة متعبتنا جداً


تقبلو مروري