المفروض كل الوظائف في البلد تتم عن طريق نظام واحد (جدارة) سواء حكومي شبة حكومي او حتى الخاص لان الخاص مدعوم من الحكومة ودعم قوي وبالتالي مفروض وغصب عنهم التوظيف يتم عن طريق جدارة ومثلا بعض الشركات اللي تطلب انجليزي مثل ارامكوا وسابك وباقي الشركات الثانيه يتم احتساب اختبار كفايات اللغة الانجليزية اللي تقدمه قياس ويعطى نسبه معينه او مثلا 20% و20% تقييم1 او 40% لكفايات الانجليزي ولا يحتسب تقييم1

يعني تخيلو لو دخلت شركات الاتصالات والطيران وخطوط الحديد والجامعات وكل الشركات الخاصه والشبه حكوميه والحكوميه , يعني بدل ما يجي (هدف) ويعلن وظائف وغرفة الرياض والشرقية وباقي الغرف اللي كل فتره تعلن عن وظائف بالالف في القطاع الخاص لو تجمعت كلها في نظام واحد شوفو كمية الوظائف اللي بتعرض يمكن بدل ما نشوف 2.000 وظيفة بنصير نشوف 20.000 وظيفة وطبعا لكل شخص الحريه في اختيار الوظائف المناسبه له يعني مو شرط يقدم على الخاص