أنا بأمن المنشآت بالشرقية لي 5 شهور بالدورة رتبتي جندي أول المربوط الثاني
الرتبة المستحقة لك جندي أول بشرط ما تقل نسبة شهادة الدورة عن 75 لأن أخوياي مقدمين على رتبة جندي أول و نسبت دوراتهم أقل من 75 و حطوهم جندي حاف
أغلب التخصصات المطلوبة دوريات و حماية منشآت فقط
و هم متشددين من ناحية رخصة السياقة
أكثر إلي ما معهم رخصه اجبروهم على استخراجها و بعضهم ما معه رخصه و لا يقدر يطلع رخصه لأن عليه مخالفات مرورية كثيرة و اجبروهم على تسديدها عشان يستخرجون الرخصه

الرواتب ما تقل عن 7500 للجندي

إذا الله و فقك و انقبلت و جت دورتك بالشرقية و أنت ما تتحمل كرف و اهانه نصيحة دور وظيفه غيرها
أما إذا دورتك بتجي بمكه إدخلها و أنت مغمض

أنا بدورة الشرقية اقسم بالله تمنيت اني ما دخلتها و سبب مواصلتي فيها لانهم قلبو مهنتي في الأحوال إلى عسكري في أول اسبوع من دخولي في الدورة يعني لو أفصل منها ما عاد تقبلني العسكرية أبد لأني مهنتي عسكري و ليست طالب عسكري
دورة الشرقية نفسية بقوة مدربين وصخين لا يعرفون شي اسمه تقدير و لا احترام حتى لو انت محترم تحس أنك حيوان و عبد إذا دخلت المركز
المدربين و الضباط يقدسون شي اسمه ميدان لدرجة أنهم شوي ويعبدون الميدان
أقل زله منك حجز و جزا يكسرون فيه ظهرك و يهنونك فيه
تخيل ما يمر يوم الا الدورة كامله تتجازا و أي واحد يبزوط يجازون العموم بسبب واحد !!! تدري فيه ناس معي بالفصيل يضرب فيهم المثل بالانضباطية هالحين هم أكبر مبزوطين بالدورة من غير الي فصلو ، سألت الي بزوطو قالو ننظبط و انأدي التمارين بالشكل المطلوب و نتجاز كل يوم بسبب واحد او اثنين خلنا نبزوط دام حنا متجازين متجازين
يا أخي تخيل انك تنحجز لأن في سيارتك ولاعه أو علبت مويه فاضية أو في طفاية السيارة فيها دخان مع أن مواقف السيارات خارج المركز !!!!!!! يعني لو يشوف في سيارتك ولاعه يحجزونك و يجازونك لين تكره نفسك

وقت الراحه ما عندك شي اسمه راحه إذا عندك راحه يخلونك تنظف السكن و اذا لقو كيسه طايحه في سكنكم جازا السرية كامله !!! أغلب وقتك بالميدان
و جو الشرقية لحاله نفسية ( رطوبة ) تلبس ملابسك ساعتين تلقها خايسه

مكه ياخي فالينها لاخر شي و لا ذاقو ربع الي ذقناه حتى ضباطهم يردون التحية للطالب و يسولفون معه حنا أصغر جندي يعاملك مثل الحيوان العبد و ضباطنا ما يردون التحية و يحجزونك اذا ما عجبتهم التحية
دورة مكه تقدر تنام و تتمشى في الميدان و تروح الكانتين ( البقاله ) اذا خلصت التمارين بدون ما أحد يقول لك شي ، حنا ممنوع النوم ممنوع الخروج من الحضيرة ( الغرفه ) ممنوع الكانتين اذا شافوك متكي في السرير جازوك و حجزوك !! النوم عندنا بالكثير 3 ساعات و نص أما دورة مكه 7 ساعات او 6 ساعات
تخيل من قلت النوم صرت أنام و أنا واقف في الطابور !!!
قسم بالله مركز الشرقية تحس انهم يهود و أظن اليهود ارحم منهم
أفضل مدربين عندنا علي الحزيمي و عوض الحبابي و وليد المذن أما الباقي حسبي الله عليهم من مدربين وضباط
المدرب وليد المذن انسان ينحط على الراس محترم و كفو لبى قلبه
و الله يافي القلب كثير لكن الشكوى لله و حتى جتني النفسية من مركز الشرقية العفن الله يعيننا عليها لين نتخرج